හැමෝම හිනාවෙද්දි "ගම්බූට්" දෙකක් දාගෙන ඇවිත් ලෝකයක් දිනූ 61 හැවිරිදි "අල" ගොවියා - ක්ලිෆ් යන්ග් (Cliff Young) 🥔🏃♂️🔥
1983 අවුරුද්ද. ඕස්ට්රේලියාව. සිඩ්නි සිට මෙල්බර්න් දක්වා තිබුණ කිලෝමීටර් 875ක් දිග අතිශය දුෂ්කර මැරතන් (Ultra Marathon) තරගය පටන් ගන්නයි හැදුවේ. ලෝකෙ වටෙන්ම ආපු දක්ෂම, ෆිට්ම, තරුණ ධාවකයෝ වටිනා ස්පෝර්ට්ස් සපත්තු දාගෙන, "වෝම් අප්" වෙමින් හිටියා.
එකපාරටම මේ මැදට අමුතු චරිතයක් කඩා පාත් වුණා. එයාට වයස අවුරුදු 61යි. කටේ දත් බොහොමයක් නෑ. ඇඳගෙන හිටියේ ස්පෝර්ට්ස් කිට් එකක් නෙවෙයි, ගොවිපළේ වැඩට අඳින ඩෙනිම් කලිසමයි කමිසයයි. කකුල් දෙකේ තිබුණේ දුවන සපත්තු නෙවෙයි, වතුරේ වැඩ කරන්න දාන "ගම්බූට්" (Gumboots) දෙකක්!
මාධ්යවේදීන් මයික් අරන් දුවගෙන ගියා. "සීයේ.. ඔයාට පිස්සුද? මේක ලේසි නෑ. මේ තරුණ කොල්ලෝ එක්ක ඔයාට හැතැප්ම භාගයක්වත් දුවන්න බෑ. මැරෙන්න වෙයි. ගෙදර යන්න."
ඒත් ක්ලිෆ් යන්ග් සීයා ඒකට දුන්නේ අපූරු උත්තරයක්. "පුතා, මම හැදුනේ අශ්වයෝ ගන්න සල්ලි නැති දුප්පත් පවුලක. අපේ බැටළුවෝ නැති වුණාම දවස් 2-3 නොකා නොබී මම උන් පස්සේ දුවනවා. මට දුවන්න පුළුවන්!"
තරගය පටන් ගත්තා. හැමෝම ක්ලිෆ් සීයා දිහා බලලා හිනා වුණා. මිනිහා දිව්වෙත් නිකන් කකුල් ඇද ඇද (Shuffle) අමුතුම විදියකට. තරුණ ක්රීඩකයෝ එයාව පහු කරගෙන සැතපුම් ගාණක් ඉස්සරහට ගියා. හැබැයි නියම සෙල්ලම පටන් ගත්තේ රෑ වෙද්දි!
ඇත්තටම ක්ලිෆ් යන්ග්ගේ මේ අසමසම ජයග්රහණයේ රහස වුණේ ඉබ්බා සහ හාවාගේ කතාව වගේ අපූරු උපාය මාර්ගයක්. අනිත් තරුණ ක්රීඩකයෝ දවසට පැය 18ක් වේගයෙන් දුවලා රෑට පැය 6ක් නිදාගද්දි, ක්ලිෆ් යන්ග් සීයා හරිම හිමින් දිව්වට විනාඩියකටවත් නැවැත්තුවේ නැහැ. අනිත් අය නිදාගන්න පැය 6ත් එයා හිමින් හිමින් ඉස්සරහට ගිය නිසා, දවස් 5ක් යද්දි අනිත් අයට වඩා පැය 30ක ලොකු කාලයක් එයා ඉතුරු කරගෙන තිබුණා. ඒ වගේම එයා දිව්වේ සාමාන්ය විදියට කකුල් උස්සලා පොළවේ ගහලා නෙවෙයි, පොළව දිගේ කකුල් ඇද ඇද (Sliding) යන නිසා එයාගේ ශක්තිය වැය වුණේ හරිම අඩුවෙන්. අදටත් "Young Shuffle" කියලා හඳුන්වන මේ ක්රමය වගේම, ගොවිපළේ බැටළුවෝ පස්සේ දවස් ගණන් දුවලා එයාගේ ඇඟ "නින්ද නැතුව වැඩ කරන්න" ඉබේම හැඩගැහිලා තිබුණ එකත් මේ ජයග්රහණයට ලොකු හයියක් වුණා.
පළවෙනි දවසෙ අන්තිමයා වුණ ක්ලිෆ්, අනිත් අය ඇහැරෙද්දි හැතැප්ම ගාණක් ඉස්සරහට ගිහින් ඉවරයි. එයා එක දිගට දවස් 5යි, පැය 15යි මිනිත්තු 4ක් දිව්වා!
අන්තිමට මොකද වුණේ? එයාට හිනා වුණ, ලෝකෙම හිටපු දක්ෂම තරුණ ධාවකයෝ සේරම පරද්දලා, තිබුණ ලෝක වාර්තාවත් දවස් 2කින් අලුත් කරලා ක්ලිෆ් යන්ග් තරගය දින්නා! 🏆🥇
තරගය දිනලා ලැබුණ ඩොලර් 10,000ක සල්ලි ටික එයා මොකද කළේ දන්නවද? "මම දුවන්න ආවේ සල්ලි බලාගෙන නෙවෙයි" කියලා ඒ සල්ලි ඔක්කොම තමන් එක්ක දුවපු අනිත් ක්රීඩකයෝ 5 දෙනාට බෙදලා දීලා හිස් අතින් ගෙදර ගියා. ❤️
ජීවිතේට පාඩමක්: ක්ලිෆ් යන්ග්ට තිබුණේ නෑ හොඳ සපත්තු. එයාට තිබුණේ නෑ පුහුණුවක්. එයාට තිබුණේ නෑ තරුණකම. හැබැයි එයාට තිබුණා කාටවත් නැති "හිතේ හයියක්".. ඔයාට කවුරුහරි කියනවා නම් "උඹට ඕක කරන්න බෑ", "උඹ පරණයි", "උඹේ ලෙවල් එක මදි" කියලා... නිකන් හිනා වෙලා ක්ලිෆ් යන්ග් වගේ ගමන යන්න. දිනනකම් නවතින්න එපා!
"වයස කියන්නේ ඉලක්කමක් විතරයි. වැදගත් වෙන්නේ ඔයාගේ හිතේ තියෙන ගින්දර විතරයි!" 🔥💪
නොකී කතා – Untold Stories | තවත් දැනගැනීමට follow කරන්න
ෆේස්බුක් එකෙන් ඔයාට මේ වගේ වටිනා පෝස්ට් මිස් වෙනවාද? එහෙනම් දැන්ම 'නොකී කතා' Page එක Follow කරලා 'Favourites' දාගන්න. එතකොට අලුත් කතාවක් දාපු ගමන් ඔයාට ඉස්සෙල්ලම පෙනෙයි
#CliffYoung #Motivation #NeverGiveUp #Legend #LifeLessons
