මරණයේ දොරකඩටම ගිහින් හිටපු මිනිස්සු 160ක්, එක තේ කෝප්පයකින් ආපහු ජීවිතේට එක්කන් ආපු ආදරණීය තාත්තා...!" ☕️💔

ඕස්ට්‍රේලියාවේ සිඩ්නි නුවර තියෙනවා හරි ලස්සන, ඒ වගේම හරිම පාළු තැනක්. නම "The Gap". උස් කඳු මුදුනකට මුහුණලා තියෙන මේ තැන, බලන් ඉන්න ලස්සන වුණාට ඇත්තටම ඒක "මරණයේ තොටුපළක්". මොකද ජීවිතේ ප්‍රශ්න දරාගන්න බැරි වුණු අසරණ මිනිස්සු, තමන්ගේ අවසන් තීරණය ගන්න එන්නේ මේ කඳු මුදුනට.

හැබැයි... මේ "මරණයේ කඳු මුදුනට" එහා පැත්තේ පුංචි ගෙදරක හිටියා හරි අපූරු මනුස්සයෙක්. නම ඩොන් රිචී (Don Ritchie).

හැමදාම උදේට ජනේලය ඇරලා ලස්සන මුහුද දිහා බලනවා වෙනුවට, ඩොන් රිචී බැලුවේ "අද කවුරු හරි ජීවිතේ දාලා යන්න ඇවිත්ද?" කියලා.

යම් කිසි වෙලාවක කඳු ගැට්ට අයිනේ තනියම, කඳුළු පිරුණු දෑසින්, බලාපොරොත්තු බිඳුණු කෙනෙක් ඉන්නවා දැක්කොත් ඩොන් කළේ පොලිසියට කතා කරන එක නෙවෙයි. ඔහු හෙමින් හෙමින් ඒ මනුස්සයා ළඟට යනවා. ගිහින් එයාගේ උරහිසට අත තියලා, හරිම ආදරෙන්, තාත්තා කෙනෙක් වගේ මෙන්න මේ වචන ටික කියනවා:

🗣️ "මම ඔයාට උදව්වක් කරන්නද දරුවෝ?... යමු, අපි ගෙදර ගිහින් තේ එකක් බොමු!"

පුදුමයි... මුළු ලෝකෙම තමන්ව ප්‍රතික්ෂේප කරද්දි, තමන්ව අහක දාද්දි... නොදන්න මනුස්සයෙක් ඇවිත් "තේ එකක් බොමුද" කියලා අහන ඒ වචන ටිකට, මැරෙන්න ගිය මිනිස්සුන්ගේ හිත් උණු වුණා. ගල් ගැහුණු හිත් වලට ආපහු පණ ආවා.

ඩොන් ඒ අයව තමන්ගේ ගෙදරට එක්කන් ගියා. එයාගේ බිරිඳ උණු උණු තේ කෝප්පයක් හදලා දුන්නා. ඒ තේ එක බිබී ඩොන් කළේ එකම දෙයයි. "ඇහුම්කන් දුන්නා." ඒ මිනිස්සුන්ට ඕන වෙලා තිබුණේ මැරෙන්න නෙවෙයි, තමන්ගේ දුක අහන්න කෙනෙක් විතරයි.

අවුරුදු 50ක් තිස්සේ, මේ විදිහට ඔහු බේරගත්ත ජීවිත ගණන 160කට අධිකයි! (නිල නොවන වාර්තා වලට අනුව 400ක් විතර). ඔහු නිසා අද ජීවත් වෙන මිනිස්සු, ලොකු වෙලා කසාද බැඳලා දරුවෝ එක්ක ආපහු ඩොන්ව බලන්න එනවා. ඇවිත් කියන්නේ එකම කතාවයි: "එදා ඔයා මට කතා කළේ නැත්නම්, අද මම නෑ..."

ඔහු මැරෙනකම්ම කිව්වේ හරි ලස්සන කතාවක්: "කඳු ගැට්ටක් අයිනේ කෙනෙක් තනියම ඉන්නවා දැක්කොත් අහක බලන් යන්න එපා. හිනාවෙලා වචනයක් කතා කරන්න. සමහර විට ඔයා ඒ බේරගන්නේ මුළු ලෝකයක් වෙන්න පුළුවන්."

මේ උතුම් මනුස්සකම වෙනුවෙන් 2006 වසරේදී ඔහුට "Medal of the Order of Australia" සම්මානයත්, 2011 දී "Australian Local Hero" සම්මානයත් පිරිනැමුවා.

වසර 50ක් තිස්සේ මරණයට එරෙහිව තනියම සටන් කරපු මේ ආදරණීය මිනිසා, 2012 මැයි 13 වෙනිදා, වයස අවුරුදු 85 දී ලෝකයෙන් සමුගත්තා. අද ඔහු නැතත්, ඒ කඳු මුදුනේ ඔහු වෙනුවෙන් ඉදිවුණු ස්මාරකයක් තියෙනවා. මුළු ලෝකයම අදටත් ඔහුව හඳුන්වන්නේ "The Angel of The Gap" (කඳු මුදුනේ සුර දූතයා) කියලයි.

හැබැයි ඔහු පෙන්නලා දුන්න පාඩම සදාකාලිකයි. මිනිස්සු මැරෙන්න යන්නේ ප්‍රශ්න වැඩි නිසා නෙවෙයි; ඒ ප්‍රශ්න අහන්න කෙනෙක් නැති නිසා.

අපිටත් බැරිද? අපේ යාළුවෙක්, නෑදෑයෙක් ප්‍රශ්න වල හිරවෙලා ඉද්දි, එයාලව මග හරින්නේ නැතුව ළඟට ගිහින් "කොහොමද ඔයාට ?" කියලා අහන්න? සමහර විට ඒ පුංචි වචන ටික එයාලගේ ජීවිතේම වෙනස් කරයි. ❤️☕️

මේ කතාව ඔයාගේ හදවතට දැනුනා නම් Share කරලා තව කෙනෙක්ට බලන්න දාන්න. 🙏

නොකී කතා – Untold Stories | තවත් දැනගැනීමට follow කරන්න

ෆේස්බුක් එකෙන් ඔයාට මේ වගේ වටිනා පෝස්ට් මිස් වෙනවාද? එහෙනම් දැන්ම 'නොකී කතා' Page එක Follow කරලා 'Favourites' දාගන්න. එතකොට අලුත් කතාවක් දාපු ගමන් ඔයාට ඉස්සෙල්ලම පෙනෙයි

#UntoldStories #DonRitchie #AngelOfTheGap #Humanity #Kindness #TrueStory #LifeLessons #Hope #SinhalaArticle