"පොළොව උඩ ඉන්න බැරි නිසා... නගරයක්ම පොළොව යටට ගිය හැටි!" - ඔස්ට්රේලියාවේ කාන්තාරයක් මැද හංගපු අපූරු ලෝකය. 🇦🇺🔥🕳️
ඔයා මේ පින්තූරවල දකින්නේ අඟහරු ලෝකේ (Mars) කෑල්ලක් නෙවෙයි. මේ ඔස්ට්රේලියාවේ රතු පාට කාන්තාරයක් මැද තියෙන අමුතුම නගරයක්. බැලූ බැල්මට මේක රතු පස් පිරුණු, ගහක් කොළක් අඩු මුඩු බිමක් වගේ පෙනුනට, ඔයාගේ කකුල යට අඩි ගාණක් ගැඹුරේ "වෙනම ලෝකයක්" හුස්ම ගනිමින් තියෙනවා!
මේ තමයි ඔස්ට්රේලියාවේ කූබර් පීඩි (Coober Pedy). 📍
ඇයි මේ මිනිස්සු පොළොව යටට ගියේ? හේතුව තමයි දරාගන්න බැරි රස්නය. ග්රීෂ්ම කාලෙට මෙහේ උෂ්ණත්වය සෙල්සියස් අංශක 45-48 සීමාවට යනවා. පොළොව උඩ සාමාන්ය ගෙවල්, ඉස්කෝල සහ කඩ සාප්පු තිබුණත්, මේ දරුණු රස්නයත් එක්ක ජීවත් වෙන එක ලේසි නෑ. ඒ නිසා මේ මිනිස්සු කළේ නියම වැඩක්. උන් පොළොව හාරගෙන යටට ගියා!
අදටත් මේ නගරයේ ජනගහනයෙන් භාගයකට වඩා (60%ක් පමණ) ජීවත් වෙන්නේ "Dugouts" කියලා හඳුන්වන මේ පොළොව යට හාරපු ගෙවල්වල.
මේවා නිකන්ම ගුහා කියලා හිතන්න එපා, මේවා ඇතුලේ තියෙන සැප දැක්කොත් ඔයාගේ ඇස් උඩ යනවා ෂුවර්. එළියේ උෂ්ණත්වය සෙල්සියස් අංශක 45 පන්නලා ගිනි රස්නයක් තිබුණට, මේ ගෙවල් ඇතුළට ගියාම දැනෙන්නේ පුදුම සනීපයක්. පොළොව යට තියෙන ස්වභාවික සිසිලස නිසා කිසිම AC එකක් නැතුව වුණත් අංශක 23ක 24ක වගේ ගාණට අමුතුම කුල් එකක් මේවා ඇතුලේ තියෙනවා.
ඒ වගේම මේක නිකන්ම නිදාගන්න හාරපු බිම් ගෙවල් ටිකක් විතරක් නෙවෙයි. විනෝද වෙන්න බාර්, බිලියඩ් ගහන ක්ලබ්, පොත් කියවන පුස්තකාල වගේම, හිතාගන්නවත් බැරි තරම් ලස්සන පල්ලියකුත් (Serbian Orthodox Church) මේ පොළොව යට හදලා තියෙනවා. වැඩියෙන්ම පිස්සු හැදෙන දේ තමයි, මේක ලෝකයේ "Opal අගනුවර" නිසා, ඔයා වාසනාවන්තයි නම් ඔයාගේ ගෙදර බිත්තියෙන්ම වටිනා මැණික් ගල් මතුවෙලා දිලිසෙනවා වුණත් දකින්න පුළුවන් වීම.
ලෝකයේ අනිත් මිනිස්සු රස්නයට බයේ පැනලා යද්දි, මේ මිනිස්සු රස්නයට අභියෝග කරලා කාන්තාරයක් යට තමන්ගේම පුංචි දිව්ය ලෝකයක් හදාගත්තා.
මේ වගේ පොළොව යට ගෙදරක ජීවත් වෙන්න ඔයා කැමතිද? 👇
නොකී කතා – Untold Stories | තවත් දැනගැනීමට follow කරන්න
#CooberPedy #Australia #UndergroundLife #TravelMystery #UntoldStories #opalcapital
