"ලස්සනයි... හැබැයි මාරාන්තිකයි!" - මිනිස්සුන්ට යන්න තහනම් කරපු ලෝකයේ එකම 'නයි දූපතේ' කතාව. 🐍🇧🇷🏝️

බ්‍රසීලයට කිලෝමීටර් ගාණක් ඈතින් මුහුද මැද තියෙන මේ පුංචි දූපත දැක්කම හිතෙන්නේ නිවාඩුවක් ගත කරන්න කියාපු තැනක් කියලා. හැබැයි රැවටෙන්න එපා! මේ තමයි පෘථිවියේ තියෙන භයානකම බිම් අඟලක් විදිහට සැලකෙන Snake Island (Ilha da Queimada Grande).

බ්‍රසීල නාවික හමුදාව විසින් මේ දූපතට සාමාන්‍ය මිනිස්සුන්ට ඇතුල්වීම සම්පූර්ණයෙන්ම තහනම් කරලා තියෙන්නේ නිකම්ම නෙවෙයි.

මේ දූපතේ රජ කරන්නේ ලෝකයේ වෙන කොහෙවත් දකින්න නැති Golden Lancehead Viper කියන අතිශය දුර්ලභ, රත්තරන් පාට පොලොන්ගු විශේෂයක්. මේ දූපතේ වෙන සත්තු නැති නිසා, මේ නයි හැඩ ගැහිලා තියෙන්නේ ගස් උඩ වහන කුරුල්ලන්ව දඩයම් කරන්නයි. ඒ නිසා මුන්ගේ විෂ, ගොඩබිම ඉන්න මුන්ගේම නෑදෑයෝ වෙන සාමාන්‍ය පොළඟුන්ට (Jararaca) වඩා 5 ගුණයක් සැරයි! මේ විෂ කොච්චර දරුණුද කියනවා නම්, දෂ්ට කළාම අපේ ඇඟේ මස් සහ පටක වේගයෙන් කුණු වෙලා දියවෙන්න ගන්නවා (Necrosis). හරියටම ප්‍රතිකාරයක් ලැබුණේ නැත්නම් පැයක් ඇතුළත මනුස්සයෙක්ව මරලා දාන්න මේ විෂට පුළුවන්.

පර්යේෂකයෝ කියන විදිහට මේ දූපතේ වර්ග මීටර් 100ක වගේ ප්‍රදේශයක් ගත්තොත්, අනිවාර්යයෙන්ම මේ ජාතියේ මාරයෙක් එකෙක් හරි ඉන්නවාමයි. ඒ කියන්නේ කැලේ ඇතුළට අඩියක් තිබ්බොත් බේරෙන්න තියෙන චාන්ස් එක හරිම අඩුයි.

හැබැයි මේ නීති කඩලා, ජීවිතේ පරදුවට තියලා හොරෙන් මේ දූපතට පනින "ජාවාරම්කරුවන්" තාමත් ඉන්නවා. හේතුව තමයි මේ එක පොළගෙක්ගේ කළු කඩේ වටිනාකම ඩොලර් 30,000 + (රුපියල් කෝටි ගාණක්) වීම!

ලස්සන වුණාට "මාරාන්තිකයි" කියන්නේ මෙන්න මේ වගේ තැන් වලට තමයි.

කෝටි ගාණක් වටින නයෙක් අල්ලගන්න ඔයා මේකට පනිනවද? 👇

නොකී කතා – Untold Stories | තවත් දැනගැනීමට follow කරන්න

#SnakeIsland #Brazil #DangerZone #GoldenLancehead #UntoldStories #Nature #ForbiddenPlaces