මදුරෝගේ හුස්ම වැටෙන රිද්මය පවා CIA එක දැන සිටියා! Operation Absolute Resolve මෙහෙයුමේ ඇතුළාන්තය! 🕵️‍♂️🎬🇻🇪🇺🇸

2026 ජනවාරි 3 වැනිදා මධ්‍යම රාත්‍රිය එළඹෙමින් තිබුණා. වෙනිසියුලාවේ කරකස් අගනුවර සුපුරුදු පරිදි කාර්යබහුල වුණත්, එදා රෑ අහසට දැනුනේ පුදුමාකාර මූසල පාළුවක්.

හිටි හැටියේම මුළු නගරයම අන්ධකාරයේ ගිලී ගියා. වීදි ලාම්පු නිවුණා. නිවාසවල විදුලිය විසන්ධි වුණා. ආරක්ෂක පද්ධති අඩපණ වුණා. හැමෝම හිතුවේ ඒක සාමාන්‍ය විදුලි බිඳ වැටීමක් කියලා.

ඒත් ඒ අඳුර අස්සේ, ඇමරිකානු බුද්ධි අංශ විසින් වසර ගණනාවක් තිස්සේ එළූ දැවැන්තම මර උගුල ක්‍රියාත්මක වෙමින් තිබුණු බව එදා රෑ කරකස් නුවර හිටපු කිසිම කෙනෙක් දැනගෙන හිටියේ නෑ.

වෙනිසියුලාවේ ජනාධිපති නිකොලස් මදුරෝ, ලෝකයේ ආරක්ෂිතම බලකොටුවක් ලෙස සැලකෙන ඔහුගේ නිල නිවස ඇතුළේ සුවපහසු නින්දකට සැරසෙමින් සිටියා. ඔහු වටා දහස් ගණනක් වූ ආරක්ෂක භටයින් සිටියා. අහසින්, පොළවෙන් එන ඕනෑම ප්‍රහාරයකට මුහුණ දෙන්න ඔවුන් සූදානම් කියලා මදුරෝ විශ්වාස කළා.

නමුත් මදුරෝ නොදැන සිටි දේ තමයි, ඔහුගේ නිදන කාමරයේ බිත්තියට එහා පැත්තේ, අඩි දහස් ගණනක් අහසේ සහ ඔහු වටා සිටිනා ඔහුගේම හිතවතුන් අතරේ "අදෘශ්‍යමාන ඇස්" දහස් ගණනක් ඔහු දෙස බලාගෙන සිටින බව.

මේ මෙහෙයුම පටන් ගත්තේ එදා රෑ නෙවෙයි. ඊට මාස ගණනකට කලින්. හරියටම කිව්වොත් 2025 අගෝස්තු මාසයේදී.

ඇමරිකානු CIA සංවිධානයේ අතිශය රහසිගත නිලධාරීන් කණ්ඩායමක්, කිසිදු රාජ්‍ය තාන්ත්‍රික රැකවරණයක් නැතුව, ජීවිතය පරදුවට තියලා වෙනිසියුලාවට ඇතුළු වෙලා තිබුණා. ඔවුන් හිටියේ කොහෙද, ඔවුන් පෙනුනේ කොහොමද කියන එක අදටත් රහසක්.

ඔවුන්ගේ ඉලක්කය වුණේ මදුරෝව මරන්න නෙවෙයි. මදුරෝගේ ජීවිතය "Copy" කරන එක. බුද්ධි අංශ භාෂාවෙන් මේකට කියන්නේ "Pattern of Life Analysis" කියලා.

මදුරෝ උදේට නැගිටින වෙලාව, ඔහු රෑට නිදාගන්න වෙලාව, ඔහු කෑමට ගන්නා දේවල් විතරක් නෙවෙයි, ඔහු ආසාවට ඇති කරන සුරතල් බල්ලන්ගේ නම් සහ උන්ගේ පුරුදු පවා මේ රහසිගත කණ්ඩායම විසින් සටහන් කරගත්තා.

හිතන්න, ලෝකයේ බලගතුම නායකයෙක් තමන්ගේ ගෙදර ඇතුළේ හුස්ම ගන්න රිද්මය පවා තවත් රටක ඔත්තුකරුවන් විසින් බලාගෙන ඉන්නවා කියන එක කොච්චර භයානකද?

නමුත් මේ සියල්ලටම වඩා මදුරෝගේ බෙල්ලට තොණ්ඩුව වැටුණේ ඔහු විශ්වාස කළ තැනකින්මයි. මදුරෝගේ ආරක්ෂක වළල්ලේ, ඔහුගේ "Inner Circle" එකේ සිටි ඉතාම සමීපතමයෙක් මේ වෙද්දිත් ඇමරිකාවට විකිණිලා ඉවරයි.

ඇමරිකාව මදුරෝගේ හිසට නියම කරලා තිබුණු ඩොලර් මිලියන 50ක ත්‍යාගය, ලංකාවේ මුදලින් නම් රුපියල් කෝටි 1500කට ආසන්න මුදල, මදුරෝගේ ළඟම මිතුරෙක්ව පාවා දෙන්නෙක් බවට පත් කරලා තිබුණා.

මේ ඔත්තුකරු, මදුරෝ යන එන හැම තැනක්ම, හැම වෙලාවක්ම එසැණින් ඇමරිකානු බුද්ධි අංශ වෙත ලබා දුන්නා. මදුරෝ අඩියක් තියද්දි ඒක වොෂින්ටන් නුවරට රිපෝට් වුණා.

කරකස් නුවර විදුලිය විසන්ධි වුණේ අහම්බෙන් නෙවෙයි. එය ඇමරිකානු "Cyber Command" එකේ වැඩක්. හෙලිකොප්ටර් යානා 150කට අධික ප්‍රමාණයක් රේඩාර් වලට අසු නොවී නගරයට ඇතුළු වෙන්න නම්, නගරයේ ඇස් අන්ධ කරන්න සිද්ධ වුණා.

ඝන අන්ධකාරය මැදින්, ශබ්දයේ වේගයෙන් ඇමරිකානු ඩෙල්ටා ෆෝස් (Delta Force) භටයන් මදුරෝගේ මාලිගාව වටලද්දී, මදුරෝට තමන්ගේ ආරක්ෂිතම තැන වෙච්ච "Safe Room" එක සිහි වුණා.

ඕනෑම ප්‍රහාරයකදී හැංගෙන්න පුළුවන් විදියට හදලා තිබුණු, වානේ වලින් නිම වුණු මේ ආරක්ෂිත කාමරය ගැන මදුරෝට ලොකු විශ්වාසයක් තිබුණා. ඔහු වහාම එතැනට දුවන්න පටන් ගත්තා.

නමුත් පුදුමය කියන්නේ, ඇමරිකානු සොල්දාදුවන් ඒ වෙද්දිත් දැනගෙන හිටියා මදුරෝ දුවන්නේ කොහාටද කියලා. ඒ විතරක් නෙවෙයි, ඒ ආරක්ෂිත කාමරයේ දොරවල් කඩන්න ඕන කරන විශේෂ "Blowtorches" පවා ඔවුන් අරගෙනයි ඇවිත් හිටියේ.

කොහොමද ඔවුන් ඒ තරම් නිවැරදිව ඒක දැනගෙන හිටියේ?

මොකද මේ ප්‍රහාරයට සති ගණනකට කලින්, ඇමරිකානු හමුදාව තමන්ගේ රට ඇතුළේ මදුරෝගේ මාලිගාවට සමාන "Mock Compound" එකක්, එහෙමත් නැත්නම් "බොරු මාලිගාවක්" හදලා තිබුණා.

මදුරෝගේ ගෙදර තියෙන කාමර, කොරිඩෝ, දොර ජනෙල් විතරක් නෙවෙයි, බිත්ති වල ඝනකම පවා මේ අනුරුවට ඇතුළත් වෙලා තිබුණා. ඇමරිකානු සෙබළුන් සිය ගණනක් වාර ගණනක් මේ බොරු මාලිගාව ඇතුළේ පුහුණුවීම් කළා. ඔවුන් ඇස් පියාගෙන වුණත් මදුරෝගේ කාමරයට යන පාර දැනගෙන හිටියා.

මදුරෝ ආරක්ෂිත කාමරයට දුවන්න හදනකොටම, අන්ධකාරය මැදින් මතු වුණු ඩෙල්ටා ෆෝස් සෙබළුන් ඔහුව බිම දාගත්තා. විනාඩි 30ක් වගේ කෙටි කාලයක් ඇතුළත, ලෝකයක් හොල්ලපු නායකයෙක්ව කුදලාගෙන ගුවන් යානයකට ඔබාගෙන යන්න ඔවුන්ට පුළුවන් වුණා.

මේ මුළු කාලය පුරාවටම අහසේ කිසිම ශබ්දයක් නැතුව කැරකෙමින් තිබුණු RQ-170 Sentinel වර්ගයේ අති නවීන ඩ්‍රෝන යානා, පහළ සිද්ධ වෙන දේ ෆ්ලොරිඩාවේ ඉන්න ඩොනල්ඩ් ට්‍රම්ප්ට සහ CIA ප්‍රධානීන්ට සජීවීව පෙන්නමින් හිටියා.

අවසානයේදී මදුරෝව රැගෙන යන ගුවන් යානය අහසට නගිද්දී, කරකස් නුවර තවමත් තිබුණේ අන්ධකාරයේ. තමන්ගේ ජනාධිපතිවරයාව පැහැරගෙන ගිහින් කියන එකවත් ඒ මිනිස්සු දැනගෙන හිටියේ නෑ.

මේ මෙහෙයුම ලෝකයට පෙන්නුවේ ඇමරිකාවේ හමුදා බලය විතරක් නෙවෙයි. ඊටත් වඩා භයානක ඔවුන්ගේ බුද්ධි අංශවල හැකියාවයි.

කෙනෙක් මොන තරම් බලවතෙක් වුණත්, මොන තරම් ආරක්ෂාවක් මැද හිටියත්, තමන්ගේම ළඟ ඉන්න මිනිස්සුන්ව පාවිච්චි කරලා, තාක්ෂණය පාවිච්චි කරලා ඕනෑම වෙලාවක ඒ කෙනාව අල්ලගන්න පුළුවන් බව මේ සිද්ධියෙන් මුළු ලෝකයටම ඔප්පු වුණා.

විශේෂයෙන්ම, තමන්ගේ ළඟම ඉන්න යාළුවා ඩොලර් මිලියන 50කට තමන්ව පාවා දෙනකම්, ඒ බව නොදැන ඉන්න තරම් ඒ සබඳතා බිහිසුණු වෙන්න පුළුවන්.

ඇත්තටම මේ වගේ ලෝකෙක කාටද විශ්වාසය තියන්න පුළුවන්?

මේ වගේ දේවල් අනිත් අයටත් දැනගන්න Share කරන්න අමතක කරන්න එපා .

ෆේස්බුක් එකෙන් ඔයාට මේ වගේ වටිනා පෝස්ට් මිස් වෙනවාද? එහෙනම් දැන්ම ‘නොකී කතා – Untold Stories’ පිටුව Follow කරලා 'Favourites' දාගන්න. එතකොට අලුත් කතාවක් දාපු ගමන් ඔයාට ඉස්සෙල්ලම පෙනෙයි

#UntoldStories #NicolasMaduro #CIA #SecretMission #SpyThriller #CyberWarfare #Mystery #TrueStory #BreakingNews #Geopolitics