🚨 මෙල්බර්න්වල මහලු පියවරුන් පිරිසක් වාහනයකින් යටකළ අමානුෂික ජාතිවාදී ප්‍රහාරය! 💔

පසුගිය 2026 අප්‍රේල් 08 වෙනිදා මෙල්බර්න් හි Point Cook, Sanctuary Lakes ප්‍රදේශයෙන් මේ කම්පන සහගත සිදුවීම වාර්තා වුණා. උදෑසන ව්‍යායාම සඳහා ගොස් නිදහසේ කතාබහ කරමින් සිටි වයසක ඉන්දියානු ජාතිකයින් පිරිසකට දින කිහිපයක් පුරාම "තමුසෙලාගෙ රටට පලයව්" කියමින් කාන්තාවක් ජාතිවාදීව බැන වැදී තිබෙනවා. 🛑

එය ඉවසන්නට බැරිම තැන 'රෝහිත් සිං' නම් පුද්ගලයා තමන්ගේ පියා සහ අනිත් වැඩිහිටියන් වෙනුවෙන් කතා කරන්නට ගිය අවස්ථාවේදී, කේන්තියෙන් කසළ බෑගයකින්ද දමා ගැසූ මේ කාන්තාව, තමන්ගේ වාහනය ඔවුන්ගේ ඇඟටම එලවා තිබෙනවා! 🚗💥

"මම අද ජීවතුන් අතර ඉන්නේ අනූනවයෙන්" යැයි පවසන රෝහිත් සහ ඔහුගේ පියා බරපතළ තුවාල සහිතව මේ වන විට රෝහල් ගතකරලයි ඉන්නේ. 🏥 පොලිසිය පරීක්ෂණ ආරම්භ කර තිබුණත් තවමත් ඇයව අත්අඩංගුවට ගෙන නැහැ.

⚠️ මේ සිදුවීම හුදකලා එකක් නෙවෙයි. පසුගිය වසර දෙකක කාලය පුරාවට ඕස්ට්‍රේලියාව තුළ දකුණු ආසියාතිකයින්ට එරෙහිව ජාතිවාදී ප්‍රහාරවල විශාල වැඩිවීමක් දක්නට ලැබෙනවා.

📉 විශේෂයෙන්ම 2025 වසරේ මැද භාගයේ සිට මේ තත්ත්වය වඩාත් දරුණු වුණා. සංක්‍රමණිකයින්ට එරෙහිව පැවති විරෝධතා මීට ප්‍රධාන හේතුවක්. මහමඟදී කෙළ ගැසීම්, ජාතිවාදී අපහාස කිරීම් සහ කායික ප්‍රහාර පවා දිනපතා වාර්තා වී තිබෙනවා.

📊 මානව හිමිකම් කොමිසමේ වාර්තා පෙන්වා දෙන්නේ 2024 සහ 2025 කාලය තුළ පමණක් ජාතිවාදී වෛරය පිළිබඳ පැමිණිලි 144ක් ලැබී ඇති බවයි. මේවායින් බොහොමයක් දකුණු ආසියාතික පසුබිමක් සහිත පුද්ගලයින්ට අදාළ ඒවා වෙනවා.