"මිනිස්කම" කියන්නේ මිනිසුන්ට පමණක් අයිති දෙයක් නොවන බව ලෝකයටම කියාදුන් අපූරු යෝධයින් දෙදෙනෙක්... 🥺❤️🦍

අපි ඔවුන්ට "තිරිසන් සතුන්" කියලා කියනවා. බාහිරින් දකින දැවැන්ත පෙනුමට අපි බිය වෙනවා. ඒත් ඔවුන්ගේ රළු පෙනුම අස්සේ හැංගිලා තියෙන ආදරය, කරුණාව සහ දයාව සමහරවිට මිනිස්සුන්ගේ හිත්වලවත් නැතුව ඇති. මේ වීඩියෝවෙන් කියවෙන්නේ ඒ වගේ ලෝකයක්ම කඳුළින් නැහැවූ සැබෑ ආදරයේ කතා දෙකක්.

🌸 පළමු කතාව: බින්ටි ජුවාගේ (Binti Jua) මව් සෙනෙහස (1996 අගෝස්තු 16 - Brookfield Zoo) අවුරුදු 3ක පුංචි පිරිමි දරුවෙක් අඩි ගණනක් උස තාප්පයකින් ගෝරිල්ලා කූඩුවට වැටෙනවා. මරණය පෙනි පෙනී හැමෝම කෑගහද්දි, එතනට එන්නේ වයස අවුරුදු 8ක 'බින්ටි ජුවා' කියන ගෝරිල්ලා මව. ඒ වෙලාවෙත් ඇගේ පිටේ ඇගේම කුඩා පැටියා එල්ලිලා හිටියේ. ඒත් මේ මවගේ සෙනෙහසට ජාතියක්, වර්ගයක් තිබුණේ නෑ. ඇය ඒ සිහිසුන් දරුවාව හරියට තමන්ගේම පැටියෙක් වගේ පරිස්සමින් වඩාගෙන ගිහින් ආරක්ෂිතව සත්ව උද්‍යාන සේවකයින්ට භාර දෙනවා. දරුවෙකුගේ ජීවිතය බේරාගන්න මව් සෙනෙහසකට භාෂාවක් අවශ්‍ය නැති බව ඇය ලෝකෙටම ඔප්පු කළා.

🌿 දෙවන කතාව: ජැම්බෝ (Jambo) නම් යෝධ ආරක්ෂකයා (1986 අගෝස්තු 31 - Jersey Zoo) ගෝරිල්ලා කූඩුවට වැටුණු තවත් කුඩා දරුවෙක් ළඟට එන්නේ 'ජැම්බෝ' කියන දැවැන්ත පිරිමි ගෝරිල්ලෙක්. ඕනෑම කෙනෙකුට බියක් දැනෙන ඒ යෝධයා, දරුවාට කිසිම කරදරයක් කළේ නෑ. අනෙක් සතුන්ගෙන් දරුවාව ආරක්ෂා කරමින්, දරුවාගේ පිට මෘදු විදියට අතගාමින් තාත්තා කෙනෙක් වගේ එතනට වෙලා හිටියා. දරුවාට සිහිය ඇවිත් අඬන්න පටන් ගත්තම, සේවකයින්ට දරුවාව බේරගන්න ඉඩ දීලා ඔහු අනිත් සතුනුත් අරගෙන එතනින් අයින් වුණා.

බාහිර පෙනුමෙන් යෝධයින් වුණත්, මේ සතුන්ගේ හිත් ඇතුළේ තිබුණේ අපේ සමහර මිනිස්සුන්ටත් වඩා ලොකු දයාවක් සහ සංවේදීකමක්. අනතුරකදී අසරණ වෙන ජීවිතයක් දිහා බලලා වීඩියෝ කරන, විවේචනය කරන සමාජයකට, මේ ගෝරිල්ලන් දෙදෙනා නිහඬවම කියා දුන් පාඩම කොයි තරම් වටිනවද?

සැබෑ මනුස්සකම තියෙන්නේ හදවතේ මිසක්, ඇඟලාගෙන ඉන්න රූපයේ නෙවෙයි! ❤️🌍

මේ වගේ දේවල් අනිත් අයටත් දැනගන්න Share කරන්න අමතක කරන්න එපා ෆේස්බුක් එකෙන් ඔයාට මේ වගේ වටිනා පෝස්ට් මිස් වෙනවාද? එහෙනම් දැන්ම ‘නොකී කතා – Untold Stories’ පිටුව Follow කරලා 'Favourites' දාගන්න. එතකොට අලුත් කතාවක් දාපු ගමන් ඔයාට ඉස්සෙල්ලම පෙනෙයි