පොලිස් වෙස් ගෙන ලක්ෂ ගණන් කොල්ලකෑ ලංකාවේ පළමු මහා අපරාධය - 1949 "ටර්ෆ් ක්ලබ්" නඩුවේ ඇත්තම කතාව! 🇱🇰⚖️💰

අපි අද කාලේ නෙට්ෆ්ලික්ස් එකේ "Money Heist" බලලා, ඒ සැලසුම් දැකලා පුදුම වෙනවා. බැංකු කඩන හැටි, පාරවල් හරස් කරලා සල්ලි උස්සන හැටි, පොලිසියට අහු නොවී පැනලා යන හැටි දකිද්දි අපි හිතන්නේ ඒවා ඒ ෆිල්ම් වලට විතරක් සීමා වුණ දේවල් කියලා. ඒත් මීට අවුරුදු 75කට කලින්, ඒ කියන්නේ සීසීටීවී කැමරා තියා මොබයිල් ෆෝන් එකක්වත් නැති, අපේ සීයලා තරුණ කාලේ, ලංකාවේ කොළඹ නගරය මැද්දේ හරියටම ඔය වගේම "හොලිවුඩ්" මට්ටමේ මංකොල්ලයක් සිද්ධ වුණා කියල කිව්වොත් ඔබ විශ්වාස කරනවද? මේක නිකන්ම මංකොල්ලයක් නෙවෙයි, අහිංසක මනුස්සයෙක්ව ලංකාවේ පළමු වතාවට "ගෑස් මාස්ක්" එකක් පාවිච්චි කරලා අමානුෂිකව ඝාතනය කරලා, මුළු පොලිසියම නොමග යවපු, අදටත් අපරාධ විද්‍යාව හදාරන අයට පාඩමක් විදියට කියාදෙන අතිශය සංකීර්ණ සහ ත්‍රාසජනක සිද්ධියක්.

මේ කතාව පටන් ගන්නේ 1949 අවුරුද්දේ ජනවාරි මාසයෙන්. ඒ කියන්නේ ලංකාවට නිදහස ලැබිලා අවුරුද්දක් වගේ ගතවෙලා තිබුණ, කොළඹ නගරය බොහොම නිස්කලංකව තිබුණ කාලෙක. ඒ කාලේ කොළඹ තිබුණ ලොකුම සහ ප්‍රසිද්ධම සූදු පිටිය වගේම අශ්ව රේස් පවත්වන තැන වුණේ "ටර්ෆ් ක්ලබ්" (Turf Club) එක. අද අපි රේස් කෝස් එක කියලා දකින භූමිය එදා සති අන්තේ පිරී ඉතිරී ගියේ ලංකාවේ හිටපු මහා ධනවතුන්ගෙන් සහ ඔට්ටු අල්ලන්නන්ගෙන්. සිකුරාදා, සෙනසුරාදා දවස්වල මේ රේස් වලට මිනිස්සු කෝටි ගණන් සල්ලි ඔට්ටු අල්ලනවා. ඉතින් සති අන්තේ එකතු වෙන මේ මහා මුදල් කන්දරාව සඳුදා උදේට බැංකුවට ගෙනියන එක සාමාන්‍ය සිරිතක් වෙලා තිබුණා. මේ මුදල් ගෙනියන වෙලාව, ගෙනියන වාහනය සහ යන පාර ගැන පිටස්තර කවුරුත්ම දැනගෙන හිටියේ නෑ. හැබැයි මේ වෙද්දිත් කොළඹ නගරයේ අඳුරු මුල්ලක හිටපු පාතාල කණ්ඩායමක් උකුස්සො වගේ මේ දිහා බලාගෙනයි හිටියේ. මේ කණ්ඩායමේ මහ මොළකරු වුණේ එල්. පී. රදලගේ ඇතුළු පිරිසක්. ඔවුන්ගේ සැලසුම වුණේ ලංකාවේ මෙතෙක් සිද්ධ වුණ ලොකුම මංකොල්ලය සිදු කිරීමයි.

මේ සැලසුමේ පළවෙනි පියවර වුණේ සල්ලි නෙවෙයි, මිනීමැරුමක්. ඔවුන් දැනගෙන හිටියා ටර්ෆ් ක්ලබ් එකේ සල්ලි ගෙනියන්නේ "Armstrong Siddeley" වර්ගයේ විශේෂ කාර් එකකින් බවත්, එහි රියදුරා ජෝන් සිල්වා බවත්. මංකොල්ලයට යන්න කලින් මේ කාර් එක සහ රියදුරා තමන්ගේ යටතට ගන්න ඔවුන් තීරණය කළා. 1949 ජනවාරි 30 වෙනිදා රෑ, ඒ කියන්නේ මංකොල්ලයට කලින් දවසේ රෑ, මේ කල්ලිය ජෝන් සිල්වාට ළං වුණේ බොහොම හිතවත් විදියට. "අපිට හදිසි ගමනක් යන්න තියෙනවා, ලොකු ගානක් දෙන්නම්" කියලා රවට්ටලා, ඔවුන් ජෝන් සිල්වාව පුත්තලම පැත්තේ පාළු කැලෑවකට එක්කගෙන ගියා. වාහනය කැලේ මැද නතර කරද්දිත් ඒ අහිංසක මනුස්සයා දැනගෙන හිටියේ නෑ තමන් මේ යන්නේ මරණයට කියලා. ජනශූන්‍ය කැලෑව මැදදී ඔවුන් ජෝන් සිල්වාව වාහනයෙන් ඇදලා අරන් ගහක බැන්දා. ඊට පස්සේ ලංකා අපරාධ ඉතිහාසයේ එතෙක් නොවුණ දෙයක් සිද්ධ වුණා. ඔවුන් ජෝන් සිල්වාගේ මූණට "ගෑස් මාස්ක්" වගේ එකක් දැම්මා. ඒ මාස්ක් එක ඇතුළට ක්ලෝරොෆෝම් වගේ රසායනික දියරයක් යවලා, හුස්ම හිරකරලා, කිසිම ශබ්දයක් පිට නොවෙන්න ඒ අහිංසක මනුස්සයාව ඝාතනය කළා. ඒ මළ සිරුර එතනම කැලේ දාලා, ඔවුන් ජෝන් සිල්වාගේ කාර් එකත් අරගෙන ආපහු කොළඹ ආවේ පහුවදා උදේ ක්‍රියාත්මක කරන්න තිබුණ "මහා සැලසුම" වෙනුවෙන්.

පහුවදා උදේ, ඒ කියන්නේ 1949 ජනවාරි 31 වෙනිදා උදෑසන උදා වුණා. ටර්ෆ් ක්ලබ් එකේ නිලධාරීන් සති අන්තේ එකතු වුණ අසන්න වශයෙන් රුපියල්ක හාර ලක්ෂයක මුදල (අද වටිනාකමින් කෝටි ගණනක්) පෙට්ටිවල අසුරලා බැංකුවට ගෙනියන්න වෙනත් වාහනයකින් පිටත් වුණා. ඔවුන් දැනගෙන හිටියේ නෑ තමන්ගේ සුපුරුදු රියදුරා ඊයේ රෑම ඝාතනය වෙලා ඉවරයි කියලා. මුදල් ගෙනියන වාහනය කොළඹ පාරවල් දිගේ බැංකුව දෙසට යද්දි, එකපාරටම ඉස්සරහින් ආපු කාර් එකක් පාර හරස් කළා. ඒ කාර් එකෙන් බැස්ස පුද්ගලයින් ඇඳගෙන හිටියේ පොලිස් නිලධාරීන්ගේ නිල ඇඳුම්වලට සමාන ඇඳුම්. සල්ලි ගෙනියපු ආරක්ෂකයින් හිතුවේ මේ වාහන පරීක්ෂාවක් කියලා. ඒත් ක්ෂණිකව ක්‍රියාත්මක වුණ මේ "බොරු පොලිස් කාරයෝ" ටික ආයුධ පෙන්නලා ආරක්ෂකයින්ව බය කරලා, ඇසිපිය ගහන සැණින් අර මුදල් පෙට්ටි ටික තමන්ගේ වාහනේට දාගත්තා. කිසිම වෙඩි තැබීමක් නෑ, කිසිම කලබලයක් නෑ. නියම හොලිවුඩ් චිත්‍රපටයක වගේ සැලසුම් සහගතව සිද්ධ වුණ මේ මංකොල්ලය ඉවර වෙන්න ගත වුණේ විනාඩි කිහිපයක් විතරයි.

මුළු රටම මේ සිද්ධියෙන් කැළඹුණා. පොලිසියට මේක ලොකු අභියෝගයක් වුණා.

හැබැයි සොබාදහම ඔවුන්ට වැඩි කල් ඉන්න දුන්නේ නෑ. සල්ලි අතට ආවට පස්සේ මේ කල්ලියේ සමහරුන්ට ඒක දරාගන්න බැරි වුණා. රස්සාවක් නැති මිනිස්සු එකපාරටම අලුත් කාර් ගන්න, රත්තරන් බඩු ගන්න, සල්ලාල ජීවිත ගත කරන්න පටන් ගත්තා. මේ හදිසි 'පොහොසත් වීම' ගැන ගමේ මිනිස්සුන්ට වගේම පොලිසියටත් ලොකු සැකයක් ඇති වුණා.

ඒ වගේම කල්ලිය ඇතුලෙත් සල්ලි බෙදාගැනීමේ රණ්ඩු ඇති වෙන්න පටන් ගත්තා. අන්තිමට ඇති වුණ බය සහ සැකය නිසා, කල්ලියේම සාමාජිකයෙක් වුණ රූපනන්ද , තමන්ගේ පණ බේරාගන්න හිතාගෙන රජයේ සාක්ෂිකරුවෙක් වෙන්න කැමති වෙලා මුළු රහසම පොලිසියට වමාරන්න පටන් ගත්තා.

පොලිසිය ඒ ඔත්තුව පස්සේ ගිහින් සැකකරුවන්ගේ ගෙවල් වටලද්දි දකින්න ලැබුණේ පුදුම දෙයක්. සමහර මංකොල්ලකාරයෝ තමන්ට හම්බුණ මුදල් නෝට්ටු තොග පිටින් අරගෙන, ලොකු වීදුරු බෝතල් සහ ටින් වලට ඔබලා, තමන්ගේ ගෙවල්වල වත්ත පහල සහ කුස්සියේ ලිප් බොක්කවල් අයිනේ වළවල් හාරලා වළ දාලා තිබුණා. පොලිසිය වත්ත පුරාම හාරද්දි, හරියට නිධානයක් ගොඩගන්නවා වගේ, රුපියල් දහයේ සහ සියයේ නෝට්ටු පුරවපු මුදල් තොග එකින් එක මතු වෙන්න ගත්තා. අහිංසක මනුස්සයෙක්ගේ ජීවිතය බිලි අරගෙන කොල්ලකාපු ඒ මුදල්, එක රුපියලක්වත් පාවිච්චි කරන්න සොබාදහම ඔවුන්ට ඉඩ දීලා තිබුණේ නෑ..

මේ අත්අඩංගුවට ගැනීමත් එක්කම පටන් ගත්තේ ලංකා ඉතිහාසයේ එතෙක් මෙතෙක් අහපු ආන්දෝලනාත්මකම නඩු විභාගයයි. පුත්තලම කැලේ තිබිලා ජෝන් සිල්වාගේ නරක් වුණ මළ සිරුර සහ ඝාතනයට යොදාගත් ගෑස් මාස්ක් එක හමු වීමත් එක්ක විත්තිකරුවන්ට ගැලවීමක් නැති වුණා. අවසානයේ නීතියේ දෙවඟන තමන්ගේ තීන්දුව ප්‍රකාශ කළා. මංකොල්ලයේ මහ මොළකරු එල්. පී. රදලගේ ඇතුළු ප්‍රධාන අපරාධකරුවන්ට එරෙහිව මිනීමැරුම් සහ මංකොල්ලකෑම් චෝදනා සැක සාකා නැතුව ඔප්පු වුණා. විනිසුරුවරයා විසින් ඔවුන්ට මරණීය දණ්ඩනය නියම කළා. අහිංසක මනුස්සයෙක්ව ගෑස් මාස්ක් එකක් දාලා මරලා, ලක්ෂ ගණන් සල්ලි අරන් රජ වෙන්න හදපු අයට, අන්තිමට ඒ සල්ලි දිහා බලාගෙනම වැලිකඩ බන්ධනාගාරයේ එල්ලුම් ගසට යන්න සිද්ධ වුණා. "ටර්ෆ් ක්ලබ් මංකොල්ලය" කියන්නේ නිකන්ම අපරාධයක් නෙවෙයි, පාපය පස්සෙන් එලවන බවට ලියවුණු ලේ වැකි ඉතිහාසයක්!

මේ වගේ ලංකාව හොල්ලපු තවත් ආන්දෝලනාත්මක සිදුවීම් දැනගන්න ආස නම් Next කියලා කමෙන්ට් එකක් දාගෙන යන්න! 👇🔥

මේ කතාවට කැමතිනම් අනිත් අයටත් බලන්න share කරන්න.

නොකී කතා - Untold Stories තවත් දැනගැනීමට follow කරන්න

ෆේස්බුක් එකෙන් ඔයාට මේ වගේ වටිනා පෝස්ට් මිස් වෙනවාද? එහෙනම් දැන්ම 'නොකී කතා' Page එක Follow කරලා 'Favourites' දාගන්න. එතකොට අලුත් කතාවක් දාපු ගමන් ඔයාට ඉස්සෙල්ලම පෙනෙයි

#TurfClubCase #JusticeServed #HistoryOfCrime #JohnSilva #SinhalaBlog #NokeeKatha