"ළමයි හිතුවේ තෑගි දෙන්න ආවා කියලා... ඒත් සැන්ටාගේ මල්ලේ තිබුණේ තුවක්කු!" - මුළු නගරයක්ම යුධ පිටියක් බවට පත් කළ, ඉතිහාසයේ එදා මෙදා තුර සිදුවූ "පිස්සුම" බැංකු කොල්ලයේ ඇත්ත කතාව! 🎅🔫💰

නත්තල් කාලෙට අපි දකින සුලභම දසුන තමයි රතු පාට ඇඳුම ඇඳගත්ත, සුදු රැවුල තියෙන, මූණ පුරා හිනාව තියෙන නත්තල් සීයා. පොඩි ළමයි මේ චරිතෙට පුදුම ආදරෙයි. නත්තල් සීයා දැක්ක ගමන් ළමයි දුවගෙන යන්නේ ටොෆි චොකලට් ඉල්ලගෙන. හැබැයි 1927 දෙසැම්බර් 23 වැනිදා ඇමරිකාවේ ටෙක්සාස් ප්‍රාන්තයේ සිස්කෝ (Cisco) කියන නගරයේ පොඩි ළමයින්ට දකින්න ලැබුණේ ඔවුන්ගේ ජීවිතේට අමතක නොවෙන බිහිසුණු දසුනක්. එදා නත්තල් සීයා ආවේ තෑගි මල්ලක් උස්සගෙන නෙවෙයි, ෂොට්ගන් එකක් අතින් අරගෙන. මේ කතාව හොලිවුඩ් චිත්‍රපටයක් වගේ පෙනුනට, මෙය ඇමරිකානු අපරාධ ඉතිහාසයේ ලියවුණු අමුතුම සහ දරුණුතම බැංකු කොල්ලයයි.

මේකේ මහ මොළකරු වුණේ මාෂල් රැට්ලිෆ් (Marshall Ratliff). මෙයා කලින් බැංකු කොල්ලයකට වරදකරු වෙලා හිරේ ගියත්, ආණ්ඩුකාරවරයාගෙන් ලැබුණු විශේෂ සමාවක් (Pardon) නිසා නිදහස් වෙලා හිටපු දරුණු ගණයේ අපරාධකාරයෙක්. සමාජයට හැදෙන්න ලැබුණු චාන්ස් එකෙන් ප්‍රයෝජනයක් නොගත්ත රැට්ලිෆ්, එළියට ඇවිත් ටික කාලෙකින් එයාගේ පරණ යාළුවෝ තුන් දෙනෙක් එක්ක එකතු වෙලා ප්ලෑන් කළේ සිස්කෝ නගරයේ "First National Bank" එක කොල්ලකන්න. හැබැයි ගැටලුව වුණේ බැංකුවට කිට්ටු කරන එක ලේසි නෑ, හැමෝටම සැක හිතෙනවා. මෙන්න මෙතනදි තමයි රැට්ලිෆ්ට අපූරු අදහසක් එන්නේ. "දැන් නත්තල් කාලෙනේ... මම නත්තල් සීයෙක් වගේ ඇඳගෙන ගියොත් කාටවත් සැක හිතෙන්නේ නෑ."

දෙසැම්බර් 23 දවල් 12ට විතර, සිස්කෝ නගරයේ ප්‍රධාන පාර දිගේ ලස්සන නත්තල් සීයෙක් ඇවිදගෙන එනවා. එයා වටේට පොඩි ළමයි රංචුවක් "සැන්ටා... සැන්ටා..." කිය කියා දුවගෙන එනවා. රැට්ලිෆ් හරිම ආදරෙන් ළමයින්ගේ ඔළුව අතගගා, හිනාවෙලා කෙලින්ම ගියේ බැංකුව ඇතුළට. අර අහිංසක ළමයි ටිකත් සැන්ටා පස්සෙන්ම බැංකුව ඇතුළට ගියා. බැංකුවේ කැෂියර්ලා පවා මේ දිහා බලාගෙන හිටියේ හිනාවෙලා. "ආ සැන්ටා සල්ලි වගයක් ගන්න ඇවිල්ලා වගේ" කියලා ඔවුන් හිතුවා.

හැබැයි ඊළඟ තත්පරයේදී මුළු බැංකුවම මරණීය නිහඬතාවයකට පත් වුණා. අර කරුණාවන්ත නත්තල් සීයා එකපාරටම තමන්ගේ මල්ල අස්සෙන් ඇද්දේ තෑගි පාර්සලයක් නෙවෙයි, 45 කැලිබර් පිස්තෝලයක්! "ඔක්කොම අත් උස්සපියව්! සල්ලි ටික මල්ලට දාපියව්!" කියලා නත්තල් සීයා ගිගුරුම් දුන්නා. ඒ වෙලාවේම එයාගේ ගෝලයෝ තුන් දෙනා ආයුධත් අරගෙන බැංකුවට කඩා වැදුණා. පොඩි ළමයි බයේ ගැහෙන්න ගත්තා. තමන් ආදරය කරපු වීරයා යක්ෂයෙක් වෙලා ඉස්සරහා ඉන්නවා දැක්කම ඒ දරුවන්ගේ හිත් මොන තරම් කම්පා වෙන්න ඇද්ද?

නමුත් මේ හොරු ටික නොදන්න එක දෙයක් තිබුණා. ඒ කාලේ ටෙක්සාස් වල බැංකු කොල්ලකෑම් වැඩි නිසා, ටෙක්සාස් රජයෙන් නීතියක් දාලා තිබුණා "ඕනෑම බැංකු කොල්ලකරුවෙක්ව වෙඩි තියලා මරණ කෙනෙක්ට ඩොලර් 5000ක තෑග්ගක් (Dead Bank Robber Reward) දෙනවා" කියලා. ඒ නිසා ටෙක්සාස් වල හිටපු සාමාන්‍ය මිනිස්සු පවා හිටියේ ආයුධ සන්නද්ධව.

බැංකුව ඇතුළේ හිටපු කෙනෙක් හොරෙන් එලාම් එක ඔබන්න සමත් වුණා. ඒ සද්දෙ ඇහුණා විතරයි, සිස්කෝ නගරයේ හිටපු කොල්ලෝ, කුරුට්ටෝ, වයසක සීයලා පවා තමන්ගේ ගෙවල්වල, කඩවල්වල තිබුණු තුවක්කු, රයිෆල්, ෂොට්ගන් අරගෙන බැංකුව වටකරගත්තා. හරියට යුද්ධෙකට යනවා වගේ. හොරු ටික සල්ලි මලුත් අරගෙන එළියට බහිද්දි ඔවුන් දැක්කේ පොලිසිය විතරක් නෙවෙයි, මුළු ටවුන් එකම තුවක්කු එල්ලගෙන තමන් දිහා බලාගෙන ඉන්නවා.

එතනින් එහාට සිද්ධ වුණේ ටෙක්සාස් ඉතිහාසයේ දරුණුතම වෙඩි හුවමාරුව. බැංකුව ඇතුළටයි එළියටයි දෙපැත්තෙන්ම වෙඩි වරුසාවක් පත්තු වුණා. ගණන් බලාපු විදිහට වෙඩි උණ්ඩ 200ක් විතර එදා බැංකුව හරහා ගිහින් තිබුණා. හොරු දැනගත්තා තමන් කොටු වුණා කියලා. ඔවුන් කළේ අන්තිම නූල් සූත්තරේ. ඔවුන් බැංකුවේ හිටපු අවුරුදු 10ක සහ 12ක ගැහැණු ළමයි දෙන්නෙක්ව "ප්‍රාණ ඇපකරුවන්" (Human Shields) විදිහට ඉස්සරහට තියාගෙන කාර් එකට නගින්න ගියා. මිනිස්සුන්ට වෙඩි තියන්න බැරි වුණා පොඩි ළමයි නිසා.

හැබැයි මේ හොරකම "Comedy of Errors" එකක් වුණේ මෙතන ඉඳන්. හොරු ටික ළමයිනුත් දාගෙන, සල්ලිත් දාගෙන කාර් එක ස්ටාර්ට් කරන්න හැදුවා. ඒත් කාර් එක ස්ටාර්ට් වෙන්නේ නෑ! බලද්දි වෙඩි වැදිලා පෙට්‍රල් ටැංකිය හිස් වෙලා. දැන් මොකද කරන්නේ? ඔවුන් පාරේ ගිය වෙන කාර් එකක් හයිජැක් කළා. ඒ අස්සේ එක හොරෙක්ට වෙඩි වැදිලා ලේ ගලනවා. ඔවුන් අමාරුවෙන් ඒ තුවාලකාරයව අනිත් කාර් එකට දාගෙන, ළමයින්වත් දාගෙන පණ එපා කියලා පලා ගියා.

කිලෝමීටර් ගාණක් ගියාට පස්සේ තමයි ඔවුන්ට තේරුණේ තමන් කරපු මෝඩකම. කලබලේට කාර් මාරු කරද්දි, ඔවුන් කොල්ලකාපු "සල්ලි මලු ටික" පරණ කාර් එකේ දාලා ඇවිල්ලා! දැන් අතේ සතයක් නෑ, පොලිසිය පස්සෙන් එනවා, එකෙක්ට වෙඩි වැදිලා. අන්තිමේදී ඔවුන්ට සිද්ධ වුණා අර පුංචි ගැහැණු ළමයි දෙන්නව පාරේ දාලා පැනලා යන්න.

දවස් ගාණක දරුණු මෙහෙයුමකින් පස්සේ පොලිසිය මේ කණ්ඩායම අල්ලගත්තා. නත්තල් සීයා වෙන්න ගිය මාෂල් රැට්ලිෆ්ට ලැබුණේ දරුණු අවසානයක්. කෝප වුණු නගරවාසීන් හිරගෙදර කඩාගෙන ගිහින් ඔහුව එළියට ඇදලා අරන් මැරුවා (Lynching) කියලත් ඉතිහාසයේ සඳහන් වෙනවා.

මේක තමයි ලෝක ඉතිහාසයේ "නත්තල් සීයා" දුෂ්ටයෙක් වුණු එකම දවස. එදා බැංකුව ඇතුළේ හිටපු ඒ පුංචි දරුවන්ට නම් ආයේ කවදාවත් නත්තල් සීයා කියන්නේ සුන්දර මතකයක් වෙන්න නැතුව ඇති.

මේ වගේ පිස්සු සිද්ධියක් ගැන ඔයා කලින් අහලා තිබුණද? 👇

නොකී කතා – Untold Stories | තවත් දැනගැනීමට follow කරන්න

ෆේස්බුක් එකෙන් ඔයාට මේ වගේ වටිනා පෝස්ට් මිස් වෙනවාද? එහෙනම් දැන්ම ‘නොකී කතා – Untold Stories’ පිටුව Follow කරලා 'Favourites' දාගන්න. එතකොට අලුත් කතාවක් දාපු ගමන් ඔයාට ඉස්සෙල්ලම පෙනෙයි

#SantaClausBankRobbery #TrueCrime #TexasHistory #ActionStory #ChristmasCrime #Heist #SinhalaArticle #ViralStory