තමන්ගේ මරණය කැමරා කාචයේ සටහන් කරගත් ලොව දුර්ලභතම සහ ලොමු දැහැගැන්වෙන සිදුවීම! 📸 මිනීමරුවා ට්‍රිගරය ඔබද්දී, වින්දිතයා ෂටරය එබූ දෛවෝපගත මොහොත!

ඔබ කවදාහරි අහලා තියෙනවද, කෙනෙක් මැරෙන්න තත්පරයකට කලින් තමන්ව මරන්න ඉන්න කෙනාගේ ෆොටෝ එකක් ගත්ත සිද්ධියක් ගැන? මේක ක්‍රියාදාම චිත්‍රපටයක (Action Movie) සීන් එකක් නෙවෙයි. මේ තමයි පිලිපීනයේ දේශපාලක රෙනාල්ඩෝ ඩැග්සාගේ (Reynaldo Dagsa) අවාසනාවන්ත ඉරණම සහ දෛවයේ සරදම.

දිනය 2011 වසරේ ජනවාරි 01 වැනිදා. වෙලාව මධ්‍යම රාත්‍රිය පහු වෙලා.

මුළු ලෝකයම අලුත් අවුරුද්ද පිළිගනිද්දී, පිලිපීනයේ මැනිලා අගනුවරට ආසන්න කැලූකන් (Caloocan) නගරයේත් හැමෝම අලුත් අවුරුද්ද සමරමින් සිටියා. රතිඤ්ඤා සද්දෙයි, අහස පුරා විහිදෙන ගිනිකෙළි එළියයි, මිනිස්සුන්ගේ සතුටු ඝෝෂාවයි මැද්දේ 35 හැවිරිදි රෙනාල්ඩෝ ඩැග්සාත් හිටියේ තමන්ගේ පවුලේ අය එක්ක පාරේ සතුටු වෙමින්. ඔහු නිකන්ම දේශපාලකයෙක් නෙවෙයි, ප්‍රාදේශීය සභා මන්ත්‍රීවරයෙක් වගේම අපරාධ මර්දනයට සහ සාමය ආරක්ෂා කරන්න හුඟක් කැපවුණු, නීතිය අකුරටම ක්‍රියාත්මක කරපු නිර්භීත කෙනෙක්.

මේ සතුටු සාමිචිය අතරතුර ඔහුට ඕන වුණා මේ සුන්දර මොහොත කැමරාවක සටහන් කරගන්න. එයා එයාගේ ආදරණීය බිරිඳට, දුවට සහ නැන්දම්මාට කතා කළා.

"අපි අලුත් අවුරුද්දේ ලස්සන ෆොටෝ එකක් ගමු... හැමෝම හයියෙන් හිනා වෙන්න!"

තාත්තාගේ ඉල්ලීමට පවුලේ අය ලස්සනට හිනා වුණා. රෙනාල්ඩෝ කැමරාව ඇහැට තියාගෙන ෆ්‍රේම් එක හදාගත්තා.

ඔහු කැමරාවේ ෂටරය ඔබනවාත් එක්කම... "ඩෝං!"💥

මුළු ප්‍රදේශයම රතිඤ්ඤා සද්ද වලින් වැහිලා තිබුණු නිසා කාටවත්ම ඇහුණේ නෑ ඒ පත්තු වුණේ රතිඤ්ඤාවක් නෙවෙයි .45 වර්ගයේ මාරාන්තික පිස්තෝලයක් බව.

ෆ්ලෑෂ් එළියත් එක්කම රෙනාල්ඩෝ කැමරාවත් අතේ තියාගෙනම එකපාරටම බිම ඇදගෙන වැටුණා. පවුලේ අය මුලින් හිතුවේ එයාට හදිසියේ හාර්ට් ඇටෑක් එකක්වත් හැදිලා කියලා. ඒත් රෝහලට ගෙනියද්දිත් ඔහු මියගිහින් ඉවරයි. වෙඩි උණ්ඩය ඔහුගේ පපුව පසාරු කරගෙන ගිහින් තිබුණා.

මුලින් පොලිසියට මේක ලොකු ප්‍රශ්නයක් වුණා. කවුරු වෙඩි තිබ්බද, කොහෙන් වෙඩි තිබ්බද කියලා කවුරුත් හරියට දැකලා නෑ. කිසිම සාක්ෂියක් ඉතුරු වෙලා නෑ. හැබැයි... ශෝකයෙන් සිටි රෙනාල්ඩෝගේ පවුලේ අයට මතක් වුණා "තාත්තා මැරෙන්න කලින් අන්තිම තත්පරේ ෆොටෝ එකක් ගත්තා නේද?" කියලා.

ඔවුන් වහාම ඒ ඩිජිටල් කැමරාව පොලිසියට බාර දුන්නා. පොලිසිය ඒකේ මෙමරි කාඩ් එක දාලා අන්තිම ෆොටෝ එක පරිගණකය හරහා ඕපන් කළා.

මුළු පොලිසියම ගල් ගැහුණා! 😱

ඒ ෆොටෝ එකේ රෙනාල්ඩෝගේ බිරිඳ සහ දුව ලස්සනට හිනා වෙලා ඉන්නවා. හැබැයි... ඒ අයට පිටුපසින්, පාරේ අයිනේ නවතා ඇති කාර් එකක් ළඟ, බේස්බෝල් තොප්පියක් දාගත්ත මනුස්සයෙක් පිස්තෝලයක් කෙලින්ම කැමරාවේ කාචයට (Lens) එල්ල කරගෙන ඉන්නවා!

රෙනාල්ඩෝ කැමරාවේ ෆ්ලෑෂ් (Flash) එක පත්තු කරද්දිම, මිනීමරුවා වෙඩි තියලා. ඒ ෆොටෝ එක කොච්චර පැහැදිලිද කියනවා නම් මිනීමරුවාගේ ඇස් වල තිබුණු මිනීමරු බැල්ම, අතේ තිබුණු .45 පිස්තෝලය, ඔළුවේ දාන් හිටපු බේස්බෝල් තොප්පිය විතරක් නෙවෙයි, පාරේ නවත්තලා තිබුණු වාහනයේ විස්තර පවා එහි ඉතාම පැහැදිලිව සටහන් වෙලා තිබුණා.

"වින්දිතයා විසින්ම තමන්ගේ ඝාතකයාගේ ඡායාරූපය ලබා ගැනීම" නිසා පොලිසියට අපරාධකරුවන්ව හොයන්න ගියේ හරියටම දවස් 4ක් වගේ ඉතාම පොඩි කාලයක් විතරයි.

ෆොටෝ එකේ තුවක්කුව දික් කරගෙන ඉන්න වෙඩික්කරුගේ නම ආර්නෙල් බුවෙනාෆ්ලෝර් (Arnel Buenaflor). මොහු නිකන්ම අහිංසකයෙක් නෙවෙයි, "Pasaway Gang" නම් දරුණු අපරාධ කල්ලියේ ක්‍රියාකාරී සාමාජිකයෙක්. මේ ෆොටෝ එක අන්තර්ජාලයේ සහ ප්‍රවෘත්ති වල යද්දී ආර්නෙල්ට හැංගිලා ඉන්න බැරි වුණා. තමන්ගේ රූපය මුළු රටේම ප්‍රසිද්ධ වී ඇති බව දැනගත් ඔහුට, අවසානයේ නීතියට භාර වෙන්න සිද්ධ වුණා.

ඒ වගේම ෆොටෝ එකේ දකුණු පැත්තේ කෙළවරේ, කිසිම ගාණක් නැතුව බලාගෙන ඉන්න කෙනෙක්ව ඔබට දකින්න පුළුවන්. ඒ තමයි මේ අපරාධයේ ඔත්තුකරු මයිකල් ගොන්සාලෙස් (Michael Gonzales). රෙනාල්ඩෝ එළියට එනකම් ඔත්තු බල බලා හිටපු මොහු හිතුවේ නෑ තමන්වත් කැමරාවට අහුවෙයි කියලා. නමුත් කැමරාවේ පුළුල් කෝණයට ඔහුත් කොටු වුණා.

මේ ඝාතනයට ප්‍රධාන හේතුව වෙලා තිබුණේ පලිගැනීමයි. රෙනාල්ඩෝ කියන්නේ අපරාධ වලට විරුද්ධව තදින් හිටපු කෙනෙක්. මීට පෙර පොලිසියත් එක්ක වෙච්ච වෙඩි හුවමාරුවකදී ආර්නෙල්ගේ ඔළුවට වෙඩි වැදිලා තිබුණා. ඔහු විශ්වාස කළේ ඒ ඔපරේෂන් එකට අණ දුන්නේ සහ තමන්ව හිරේ යැව්වේ රෙනාල්ඩෝ කියලයි. ඒකේ පලිය ගන්න තමයි ඔහු එදා රෑ ඇවිත් තිබුණේ.

තමන්ට වෙඩි තියද්දිම, තමන්ගේ මිනීමරුවාව ලෝකෙටම අල්ලලා දුන්න රෙනාල්ඩෝ ඩැග්සා, මරණයෙන් පස්සෙත් තමන්ගේ පවුලට සාධාරණය ඉටු කළා. ඔහු මියගියත් ඔහුගේ කැමරාව සාක්ෂි දරන්නට ඉතිරි වුණා.

සමහරවිට දෛවය කියන්නේ හරි පුදුම දෙයක්. මිනීමරුවා හිතන්න නැතුව ඇති, තමන්ගේ ඉලක්කය වැදෙන්න තත්පරයකට කලින් තමන්ගේ රූපය කැමරාවක සදහටම සිර වෙයි කියලා. මෙය ඉතිහාසයේ ලියැවුණේ "ලෝකයේ වාසනාවන්තම ඡායාරූපය සහ අවාසනාවන්තම මරණය" ලෙසයි.

නොකී කතා – Untold Stories | අද්භූත දේ සොයා යන ගමනට එකතු වෙන්න Follow කරන්න

#TrueCrime #ReynaldoDagsa #CaughtOnCamera #Mystery #UntoldStories #Philippines #Assassination #Fate #Justice #CrimeHistory