මුළු ලෝකයම රැවටූ රාත්‍රිය: ඩොලර් මිලියන 500ක අභිරහස සහ අදටත් බලා සිටින හිස් රාමු... 🕵️‍♂️🚫

මේක හරියටම හොලිවුඩ් චිත්‍රපටියක එන සීන් එකක් වගේ. හැබැයි වෙනසකට තියෙන්නේ මේක ඇත්තටම වුණා. අදටත් FBI එකට විසඳගන්න බැරි වුණු ලෝකයේ ලොකුම කලා මංකොල්ලය (Art Heist) සිද්ධ වුණේ මෙහෙමයි.

වර්ෂය 1990. මාර්තු මාසේ 18 වෙනිදා.

ඇමරිකාවේ බොස්ටන් නගරය එදා රෑ නිදි නෑ. එදා සාන්ත පැට්‍රික් දිනය (St. Patrick's Day). පාරවල් පුරාම බීගත්තු මිනිස්සු, පාටි දාන සද්ද. මුළු නගරයම සැණකෙළියක් වගේ.

හැබැයි, මේ ඝෝෂාව මැද අද්භූත විදියට නිහඬව තිබුණ තැනක් තිබුණා. ඒ තමයි Isabella Stewart Gardner Museum එක. වෙලාව පාන්දර 1:24 යි.

කෞතුකාගාරයේ ඇතුලේ හිටියේ ගාඩ්ලා දෙන්නෙක් විතරයි. එක්කෙනෙක් අවුරුදු 23ක් වයස "රික් ඇබත්" (Rick Abath). රොක් සංගීතයට පිස්සු වැටුනු, කොණ්ඩේ වවාගත්ත හිපි පන්නයේ කොල්ලෙක්. එයා එදා නයිට් ෂිෆ්ට් එකේ හිටියේ හරි කම්මැලිකමෙන්. එකපාරටම... ප්‍රධාන දොරටුවේ බසර් එක වදිනවා. "බී.....ප්!" 🚨 රික් ගැස්සිලා ගියා. මේ වෙලාවේ කවුද එන්නේ? CCTV එකෙන් බලද්දී එළියේ ඉන්නේ පොලිස් නිලධාරීන් දෙන්නෙක්. යුනිෆෝම් ඇඳලා, බැජ් ගහලා.

"පොලිසියෙන්! අපිට රිපෝට් එකක් ආවා මේ පැත්තෙන් ලොකු සද්දයක් ඇහුණා කියලා. අපිට ඇතුලට ඇවිත් චෙක් කරන්න ඕන." ඇත්තටම මියුසියම් එකේ නීතියක් තියෙනවා, රෑට කාටවත් දොර අරින්න බෑ කියලා. අඩුම තරමේ පොලිසියටවත්. නමුත් රික් පොඩි කොල්ලෙක්. එයා බය වුණා. එයා බසර් එක ඔබලා දොර ඇරියා. ඒ තමයි එයා ජීවිතේ කරපු ලොකුම අත්වැරැද්ද.

දොර ඇරපු ගමන් පොලිස් නිලධාරීන් දෙන්නා ඇතුලට ආවා. හැබැයි එයාලගේ මූණුවල තිබුණේ අමුතු බැල්මක්. එක නිලධාරියෙක් රික් දිහා බලාගෙන මෙහෙම කිව්වා.

"තමුන්ගේ මූණ මට හුරුයි. අපිට වරෙන්තු (Warrant) එකක් තියෙනවා තමුන්ව අත්අඩංගුවට ගන්න. එළියට ගන්නවා අත් දෙක." රික් පුදුම වුණා. "මම? මම මොකුත් කළේ නෑනේ!"

ඒත් එයා අත් දෙක දික් කළා. මාංචු වැටුණා. ඊට පස්සේ අනිත් ගාඩ්ටත් මාංචු දැම්මා. දෙන්නවම බිත්තියට හේත්තු කරපු අර "පොලිස් නිලධාරියා" එයාගේ නියම ස්වරූපය පෙන්නුවා.

එයා හෙමින් රික්ගේ කනට කරලා කිව්වා: "Gentlemen, this is a robbery." (මහත්වරුනි, මේක මංකොල්ලයක්!) 😱

ඊට පස්සේ සිද්ධ වුණේ කාටවත් හිතාගන්න බැරි දෙයක්. සාමාන්‍යයෙන් බැංකුවක් කොල්ල කද්දී ඒක ඉවර වෙන්නේ විනාඩි 3න් 4න්. ඒත් මේ හොරු දෙන්නා කලබල වුණේ නෑ. එයාලා කෞතුකාගාරය ඇතුලේ විනාඩි 81ක් (පැයකුත් විනාඩි 21ක්) හිටියා!

ගාඩ්ලා දෙන්නව පහළ බේස්මන්ට් එකට අරන් ගිහින් කටවල් වලට ඩක්ට් ටේප් ගහලා ගැටගැහුවා. ඊට පස්සේ හොරු දෙන්නා "ලන්දේසි කාමරයට" (Dutch Room) ගියා. එතන තිබුණේ ලෝකෙ වටිනාම චිත්‍ර.

එයාලා Rembrandt ගේ "The Storm on the Sea of Galilee" කියන මිල කළ නොහැකි චිත්‍රය ගාවට ගියා. මේක තමයි රෙම්බ්‍රෑන්ඩ් මුහුදක් ඇඳපු එකම චිත්‍රය. හොරු දෙන්නා චිත්‍රය රාමුවෙන් ගලවන්න උත්සාහ කළාට ඒක ගැලවුනේ නෑ. අන්තිමට එයාලා පිහියක් අරගෙන අර අගනා චිත්‍රය රාමුවේ දාර දිගේ කපලා වෙන් කරගත්තා. 🔪🖼️

මේක කලා ලෝකයේ අයට දැනුනේ තමන්ගේ හම ගලවනවා වගේ වේදනාවක්.

එතනින් නතර වුණේ නෑ. Vermeer ගේ චිත්‍ර, Manet ගේ චිත්‍ර... එකින් එක, එයාලා චිත්‍ර 13ක් එකතු කරගත්තා. පාන්දර 2:45 වෙද්දී එයාලා වාහනේට නැගලා අතුරුදහන් වුණා.

උදේ 8 වෙද්දී ඊළඟ ෂිෆ්ට් එකේ අය එද්දී දැක්කේ හිතාගන්න බැරි දසුනක්. බිත්තිවල එල්ලෙමින් තිබුණේ හිස් රාමු (Empty Frames) විතරයි. පොළව පුරාම වීදුරු කෑලි.

FBI එක මේක ගැන අවුරුදු 30කට වැඩි කාලයක් හෙව්වා. 🤔 මේක ඇත්තටම "රික් ඇබත්" ගේ උදව්වෙන් කරපු Inside Job එකක්ද? (මොකද එයා දොර ඇරියා විතරක් නෙවෙයි, එදා රෑ Motion detectors පවා ඕෆ් වෙලා තිබුණා).

🤔 නැත්නම් මේක බොස්ටන් වල මාෆියා එකේ වැඩක්ද?

🤔 එහෙමත් නැත්නම් අයර්ලන්ත කැරලිකාරයෝ (IRA) මේ චිත්‍ර විකුණලා ආයුධ ගන්න ගහපු ගේම් එකක්ද?

කවුරුත් දන්නේ නෑ. හොරු දෙන්නා අදටත් අතුරුදහන්. චිත්‍ර ටික අදටත් අතුරුදහන්. අද ඒ චිත්‍රවල වටිනාකම ඩොලර් මිලියන 500කට වැඩියි (ඒ කියන්නේ රුපියල් කෝටි 15,000කට එහා).

හැබැයි මේ කතාවේ ලස්සනම සහ දුකම කොටස තියෙන්නේ අන්තිමට. මේ කෞතුකාගාරය අයිති වෙලා තිබුණේ Isabella Stewart කියන කාන්තාවට. එයාගේ අන්තිම කැමති පත්‍රයේ (Will) තිබුණා, "මගේ මියුසියම් එකේ කිසිම දෙයක් තියෙන තැනින් වෙනස් කරන්න බෑ" කියලා.

ඒ නිසා, අදටත් ඔයා බොස්ටන් වල තියෙන මේ මියුසියම් එකට ගියොත්, ඔයාට දකින්න ලැබෙන්නේ බිත්තියේ එල්ලෙන "හිස් රාමු". ඒ හිස් රාමු එහෙමම තියලා තියෙන්නේ, කවදාහරි දවසක ඒ චිත්‍ර නැවත ගෙදර එයි කියන බලාපොරොත්තුවෙන්. හරියට තමන්ගේ දරුවෙක් නැති වුණාම අම්මා කෙනෙක් ඒ දරුවා එනකල් කාමරේ අස් නොකර බලාගෙන ඉන්නවා වගේ...

කලාව කියන්නේ ඉතිහාසය. ඒ ඉතිහාසයෙන් කෑල්ලක් කවුරුහරි කපලා අරන් ගිහින් දැන් අවුරුදු 34ක් වෙනවා. තාමත් ඒ හිස් රාමු, නිහඬව බලාගෙන ඉන්නවා.

ඔයාට මොකද හිතෙන්නේ?

මේක ඇතුලේ හිටපු කෙනෙක්ගේම වැඩක් වෙන්න ඇති නේද? ගාඩ් කෙනෙක් නිකන්ම "පොලිස්" කිව්ව පලියට දොර අරිනවද? පහළින් Comment කරගෙන යන්න. 👇

මේ වගේ දේවල් අනිත් අයටත් දැනගන්න Share කරන්න අමතක කරන්න එපා

ෆේස්බුක් එකෙන් ඔයාට මේ වගේ වටිනා පෝස්ට් මිස් වෙනවාද? එහෙනම් දැන්ම ‘නොකී කතා – Untold Stories’ පිටුව Follow කරලා 'Favourites' දාගන්න. එතකොට අලුත් කතාවක් දාපු ගමන් ඔයාට ඉස්සෙල්ලම පෙනෙයි

#UntoldStoriesLK #TheGardnerHeist #ArtMystery #TrueCrime #History #Mystery #SinhalaBlog #LongRead