ඇය මිනීමරුවෙක්ද? නැත්නම් දරුවා වෙනුවෙන් හුස්ම ටික පවා පූජා කළ ආදරණීය අම්මා කෙනෙක්ද? : ලෝකයම කම්පා කළ මරියන්ගේ කතාව 🌹⚖️

අම්මා කෙනෙකුගේ ආදරයට සීමා මායිම් තියෙනවද? තමන්ගේ කුසින් උපන් දරුවාට කරදරයක් වුණාම, ඕනෑම අම්මා කෙනෙක් ඒ වෙනුවෙන් ඕනෑම දුරක් යන්න සූදානම්. ඒත්, ඒ යන දුර නීතියේ සීමාවත් ඉක්මවා ගියොත්... සමාජය ඇයව විනිශ්චය කළ යුත්තේ කොහොමද?

මේ ජර්මනියේ විසූ මරියන් බැක්මයර් (Marianne Bachmeier) ගේ කතාවයි. මෙය හුදෙක් අපරාධයක් ගැන කතාවක් නොව, මව් සෙනෙහස සහ නීතිය අතර ඇති වූ දරුණු ගැටුමක අඳුරු මතකයකි.

මරියන්ගේ මුළු ජීවිතයම වුණේ ඇගේ සත් හැවිරිදි දියණිය, "ඇනා" (Anna). තනිවම දරුවා හදාගත්තත්, ඇය ඇනාට රජ කුමාරිකාවකට වගේ ආදරය කළා. නමුත් 1980 මැයි මාසයේදී ඒ පුංචි ලෝකයම අඳුරු වුණා. අසල්වැසි පුද්ගලයෙකු අතින් පුංචි ඇනා අවාසනාවන්ත ලෙස ජීවිතයෙන් සමුගත්තා. ඒ මරණය ස්වාභාවික එකක් නෙවෙයි; එය ඉතාම කූරිරු ඝාතනයක්.

නීතිය ක්‍රියාත්මක වුණා. සැකකරු අත්අඩංගුවට පත් වුණා. 1981 වසරේදී නඩු විභාගය ආරම්භ වුණේ මුළු ජර්මනියේම අවධානය මැදයි. මරියන් බලාපොරොත්තු වුණේ තම දියණියගේ ඝාතකයාට නීතියෙන් උපරිම දඬුවම් ලැබෙනු ඇති බවයි.

නමුත් නඩු විභාගය අතරතුර සිදු වූ දෙය ඇයට දරාගන්න පුළුවන් වුණේ නැහැ. තම ගැලවීම වෙනුවෙන් විත්තිකරු ඉතාම පහත් තර්කයක් ඉදිරිපත් කළා. ඔහු උසාවිය ඉදිරියේ ප්‍රකාශ කළේ, මේ කුරිරු අපරාධයට හේතුව අවුරුදු 7ක් වයසැති පුංචි ඇනා බවයි. "දරුවා මුදල් ඉල්ලලා බලපෑම් කරලා , ඇය මාව පොළඹවා ගත්තා..." යනුවෙන් පවසමින්, මියගිය දරුවාගේ චරිතයට පවා ඔහු කැළලක් ඇති කිරීමට උත්සාහ කළා.

තමන්ගේ දියණිය ජීවිතයෙන් සමුගත්තා පමණක් නොව, ඇගේ නාමයත් උසාවියක් මැද අවමානයට ලක්වෙන අයුරු බලා සිටීමට ඒ අම්මාට ශක්තියක් තිබුණේ නැහැ. නීතියේ හිඩැස් වලින් රිංගා යාමට උත්සාහ කරන අපරාධකරුවෙකු ඉදිරියේ තවදුරටත් නිහඬව සිටීමට ඇගේ හෘද සාක්ෂිය ඉඩ දුන්නේ නැහැ.

1981 මාර්තු 6 වෙනිදා. සාක්ෂි විමසන මොහොතේ මරියන් නැගී සිටියා. ඇය සතුව කුඩා ගිනි අවියක් තිබුණා. කිසිවෙකුට සිතන්නටවත් ඉඩක් නොතබා ඇය විත්තිකරු දෙසට වෙඩි තැබුවා.

"ඔහු මගේ දරුවා මැරුවා..." ඇය මිමිණුවේ එපමණයි. වෙඩි උණ්ඩ 8ක් නිකුත් වුණා. ඉන් 7ක්ම ඉලක්කයට වැදී තිබුණා. දරුවාගේ මරණයට වගකිවයුතු පුද්ගලයා එතැනම මිය ගියා.

උසාවියේ උන සිදුවිමේ වීඩියෝව බලන්න -https://www.facebook.com/share/v/17qANpikeB/?mibextid=wwXIfr

මේ සිද්ධියත් එක්ක මුළු ලෝකයම කැළඹුණා. නීතියට අනුව ඇය වරදකාරියක් වී වසර 6ක සිර දඬුවමක් නියම වුණා.

නමුත් පුදුමයකට මෙන්, ඇය සිරගෙදර ගත කළේ වසර 3ක් වැනි කෙටි කාලයක් පමණයි. ලෝකවාසී මිලියන ගණනක ජනතාව ඇය වෙනුවෙන් පෙනී සිටීමත්, ඇය මෙය කළේ මිනීමැරීමේ චේතනාවෙන් නොව දැඩි ශෝකය නිසා බව (Manslaughter) ඔප්පු වීමත් නිසා ඇයට ඉක්මනින්ම නිදහස හිමි වුණා. සමාජය ඇයව හැඳින්වූයේ "පළිගත් මව" (The Revenge Mother) ලෙසයි.

බොහෝ දෙනා තර්ක කළේ, නීතිය මගින් යුක්තිය ඉටු නොවන බව දැනුණු මොහොතක, අම්මා කෙනෙක් ලෙස ඇය කළ දේ සාධාරණ බවයි.

මරියන් 1996 වසරේදී පිළිකා රෝගයකින් මිය ගියා. ඇය මිය යන තුරුම තමන් කළ දේ ගැන පසුතැවුණේ නැහැ.

දැන් මොහොතක් හිතන්න. අපි ජීවත් වෙන්නේ බොහොම සංකීර්ණ සමාජයක. අපේ දරුවන්ට, අපේ සහෝදරියන්ට මේ වගේ අසාධාරණයක් වෙලා, නීතිය ඉදිරියේ වරදකරුවන් නිර්දෝෂී වෙන්න හදනවා නම්... අපි කොහොමද ඒක දරාගන්නේ?

මරියන් බැක්මයර් ගත්ත තීරණය ගැන ඔබට හිතෙන්නේ මොකක්ද? ඇය නීතිය අතට ගැනීම වැරදිද? නැත්නම් මව් සෙනෙහස ඉදිරියේ ඕනෑම නීතියක් පරාජය වෙනවාද?

ඔබේ වටිනා අදහස පහළින් සටහන් කරන්න. 👇

මේ වගේ දේවල් අනිත් අයටත් දැනගන්න Share කරන්න අමතක කරන්න එපා

ෆේස්බුක් එකෙන් ඔයාට මේ වගේ වටිනා පෝස්ට් මිස් වෙනවාද? එහෙනම් දැන්ම ‘නොකී කතා – Untold Stories’ පිටුව Follow කරලා 'Favourites' දාගන්න. එතකොට අලුත් කතාවක් දාපු ගමන් ඔයාට ඉස්සෙල්ලම පෙනෙයි

#UntoldStories #History #TrueCrime #MarianneBachmeier #MotherLove #Justice #LifeLessons #SriLanka #SocialIssues