රැජිනත් රැවටුණු, එංගලන්තයම වැඳපු "දෙවියෙක් වගේ හිටපු යක්ෂයා" - ජිමී සැවිල්

ඔයාට හිතාගන්න පුළුවන්ද මුළු රටක්ම පිස්සුවෙන් වගේ ආදරේ කරපු, රටේ රැජින අතින් 'නයිට්' පදවියක් පවා ලැබුනු, කෝටි ගාණක් සල්ලි වියදම් කරලා ඉස්පිරිතාල හදපු මනුස්සයෙක්... ඇත්තටම වෙස් මූණක් දාගත්ත මහා තිරිසනෙක් කිව්වොත්?

මේ කතාව අහද්දි ඇත්තටම ඇඟ හිරිවැටෙනවා. මොකද මේ මනුස්සයා අවුරුදු 50ක් තිස්සේ මුළු ලෝකෙම ඇස් වලට වැලි ගහලා, තමන්ගේ ප්‍රසිද්ධිය පාවිච්චි කරලා කරපු අපරාධ තොගය දැක්කම හිතාගන්න බැරි වෙනවා "මනුස්සයෙක්ට මෙච්චර පහත් වෙන්න පුළුවන්ද?" කියලා. මේ තමයි එංගලන්තයේ හිටපු අංක එකේ රූපවාහිනී තරුව, සර් ජිමී සැවිල් (Jimmy Savile).

1970, 80 දශකවල එංගලන්තයේ හිටපු පොඩි ළමයෙක්ගෙන් ඇහුවා නම් "කවුද ඔයාගේ වීරයා?" කියලා, එයාලා බහුතරයක් දෙනා එක පාරටම කියන නමක් තමයි ජිමී සැවිල් කියන්නේ. මිනිහා ඒ තරම් ජනප්‍රියයි. රත්තරන් පාට කොණ්ඩයක් දාගෙන, කටේ ලොකු සිගා එකක් ගහගෙන, ඇඟ පුරාම රත්තරන් මාල දාගෙන, අමුතුම විලාසිතාවක ට්‍රැක් සූට් ඇඳගෙන හිටපු මේ මනුස්සයා එදා එංගලන්තයේ රූපවාහිනිය හොල්ලගෙන හිටපු චරිතයක්.

මිනිහා කොච්චර බලවත්ද කියනවා නම් බ්‍රිතාන්‍ය රාජකීය පවුලේ අය පවා මෙයාගේ හොඳම යාලුවෝ. චාල්ස් කුමාරයා, ඩයනා කුමරිය එක්ක ජිමී නිතරම වගේ හම්බවුණා. රටේ අගමැතිවරු මෙයාගෙන් උපදෙස් ගත්තා. රැජින මෙයාට 'සර්' (Sir) පදවිය දීලා ගෞරව කළා. මොකද එලියට පේන්න මිනිහා මහා දානපතියෙක්. පිළිකා හැදුණු අසරණ රෝගීන් වෙනුවෙන්, අබ්බගාත වෙච්ච ළමයි වෙනුවෙන් මිනිහා පවුම් මිලියන ගණන් සල්ලි එකතු කළා. "Jim'll Fix It" කියලා එයාට TV ෂෝ එකක් තිබුණා. ඒකෙන් කළේ පොඩි ළමයි ආස කරන හීන හැබෑ කරලා දෙන එක. දහස් ගාණක් පොඩි දරුවෝ මේ මනුස්සයා දිහා බැලුවේ දෙවියෙක් දිහා බලනවා වගේ.

හැබැයි... මේ ඔක්කොම ලයිට් එළි නිවිලා, කැමරා ඕෆ් වුණාම මේ 'දෙවියා' ඇතුලේ හිටපු යක්ෂයා එළියට ආවා. කවුරුත් දැනගෙන හිටියේ නෑ මේ දානපති හිනාව පිටිපස්සේ හැංගිලා තිබුණේ එංගලන්ත ඉතිහාසයේ බිහිවුණු භයානකම ළමා අපචාරකයා කියලා.

ජිමී සැවිල් එයාගේ මේ 'දානපති' ප්‍රතිරූපය පාවිච්චි කළේ තමන්ගේ ගොදුරු හොයාගන්න ලේසිම ක්‍රමයක් විදියට. හිතන්නකෝ, මිනිහා රටේ ප්‍රසිද්ධම ඉස්පිරිතාල වලට සල්ලි වියදම් කළා. ඒ වෙනුවට මිනිහා ඉල්ලුවේ පුංචි දෙයයි. ඒ තමයි "ඉස්පිරිතාලේ ඕනම තැනක, ඕනම වෙලාවක යන්න එන්න මට අවසර ඕනේ" කියන එක. ඉස්පිරිතාල පාලකයෝ මේකට කැමති වුණා විතරක් නෙවෙයි, මිනිහට විශේෂ කාමර පවා ඉස්පිරිතාල ඇතුලෙම වෙන් කරලා දුන්නා.

මේක තමයි කතාවේ දරුණුම තැන. රෑ වෙද්දි, හැමෝම නිදාගත්තම ජිමී සැවිල් ඉස්පිරිතාලේ වාට්ටු ඇතුලට රිංගනවා. ඇඳන් උඩ අසරණ වෙලා ඉන්න, අබ්බගාත වෙච්ච, කතා කරගන්න බැරි පොඩි ගැහැණු ළමයි, පිරිමි ළමයි විතරක් නෙවෙයි වයසක රෝගීන් පවා මේ නරුමයාගේ ගොදුරු බවට පත් වුණා. හිතන්න, එතන ඉන්න නර්ස්ලා පවා මේවා දැක්කා. හැබැයි කවුරුත් කටක් ඇරියේ නෑ. මොකද මේ ඉන්නේ රටම අඳුරන, රැජිනගේ යාලුවා, "සර් ජිමී සැවිල්". එයාට විරුද්ධව කට ඇරියොත් රස්සාව විතරක් නෙවෙයි ජීවිතේ පවා නැතිවෙන්න පුළුවන් බව එයාලා දැනගෙන හිටියා.

BBC එක ඇතුලෙත් තත්ත්වය ඕකමයි. එයාගේ ඩ්‍රෙසින් රූම් එකට පොඩි ළමයි ගෙනියද්දි එතන හිටපු ලොකු ලොක්කෝ අහක බලාගත්තා. සමහරු කියන විදියට එයා මෘත ශරීරාගාරවල තිබුණ මිනී එක්ක පවා ලිංගිකව එකතු වෙලා තියෙනවා. ඒ තරම් විකෘති මනසක් තිබුණ යකෙක් මූ. පොලිසියට මේ ගැන පැමිණිලි ආවේ නැද්ද? ආවා. ඕන තරම් ආවා. හැබැයි පොලිසියේ ලොක්කෝ ජිමී සැවිල් එක්ක එකට ඉඳගෙන තේ බීලා, "අයියෝ සර්, මේ මිනිස්සු බොරු කියන්නේ" කියලා අර පැමිණිලි කුණු කූඩෙට දැම්මා. බලය කියන දේ ඉස්සරහා නීතිය පවා දණ ගැහුවා.

මේ අපරාධ එකක් දෙකක් නෙවෙයි. මිනිහා මැරුණට පස්සේ හොයලා බලද්දි තමයි එළි වුණේ අවුරුදු 5 ත් 75 ත් අතර වයස්වල හිටපු 500කට අධික පිරිසක් මේ මිනිහා අතින් අපයෝජනය වෙලා තියෙනවා කියලා. සමහර විට ඒ ගාණ 1000 පනින්නත් පුළුවන්.

ලොකුම ඛේදවාචකය මොකක්ද දන්නවද? 2011 අවුරුද්දේ වයස 84 දී ජිමී සැවිල් මැරෙනවා. මිනිහා මැරුණේ වීරයෙක් විදියට. එංගලන්තයම අඬලා, රාජකීය ගෞරව දීලා, රත්තරන් මිනී පෙට්ටියක දාලා තමයි මිනිහව වැළලුවේ. මැරෙනකම්ම මිනිහා නීතියෙන් බේරුණා. මිනිහා මැරිලා අවුරුද්දක් යනකම් මේ රහස් එළියට ආවේ නෑ. ITV නාලිකාවෙන් කරපු වාර්තා වැඩසටහනකින් පස්සේ තමයි වින්දිතයෝ බයෙන් බයෙන් එළියට ඇවිත් කතා කරන්න ගත්තේ. ඊටපස්සේ මුළු ලෝකෙම දැනගත්තා තමන් වීරයෙක් කියලා හිතාගෙන හිටියේ කාටද කියලා. අන්තිමට මිනිහගේ සොහොන් කොත පවා කඩලා දාලා, ඒක කුණු ගොඩකට වීසි කරන්න පවුලේ අයට සිද්ධ වුණා.

ජිමී සැවිල්ගේ කතාවෙන් අපිට උගන්වන ලොකු පාඩමක් තියෙනවා. ඒ තමයි "ප්‍රසිද්ධිය සහ සල්ලි" කියන දේට පුළුවන් ඕනම ජරා වැඩක් ලස්සනට වහගෙන ඉන්න කියන එක. කැමරාව ඉස්සරහා හිනාවෙලා හිටපු පලියට, ටයි කෝට් දාගත්ත පලියට, දානපතියෝ වගේ රඟපෑවට හැමෝම මිනිස්සු නෙවෙයි කියන එක ජිමී සැවිල් ඔප්පු කළා.

දැන් පොඩ්ඩක් හිතලා බලන්න...

ඔයාට හිතෙන්නේ නැද්ද අදටත් අපේ සමාජයේ මේ වගේ "සුදු චරිත" මැවූ, බලය සහ සල්ලි නිසා නීතියට පවා අත තියන්න බැරි තවත් ජිමී සැවිල්ලා ඕන තරම් ඉන්නවා ඇති කියලා?

(කමෙන්ට් එකක් දාගෙන යන්න)

මේ වගේ දේවල් අනිත් අයටත් දැනගන්න Share කරන්න අමතක කරන්න එපා

ෆේස්බුක් එකෙන් ඔයාට මේ වගේ වටිනා පෝස්ට් මිස් වෙනවාද? එහෙනම් දැන්ම ‘නොකී කතා – Untold Stories’ පිටුව Follow කරලා 'Favourites' දාගන්න. එතකොට අලුත් කතාවක් දාපු ගමන් ඔයාට ඉස්සෙල්ලම පෙනෙයි