තමන්ගෙ මනුස්සයව හිරේ යවන්න ලෝකේ බලවත්ම ජනාධිපතිට "වස" යවපු සුරූපී නිළියගේ කතාව!

නිකමට හිතන්න, ඔයාගේ ගෙදරට ලියුමක් එනවා. පිටින් බලද්දි නම් කිසිම අවුලක් නෑ. හැබැයි ඒක ඇතුලේ තියෙන්නේ ලෝකේ තියෙන භයානකම වස වර්ගයක්. ඒ වස චුට්ටක් හරි හුස්ම ගත්තොත්, එහෙම නැත්නම් ඇඟේ ගෑවුණොත් විනාඩි ගාණකින් ඔයාගේ පණ යන්න පුළුවන්.

දැන් හිතන්න මේ ලියුම එන්නේ ඔයාට නෙවෙයි, ලෝකේ ඉන්න ආරක්ෂාව වැඩිම මනුස්සයාට... ඒ කියන්නේ ඇමරිකාවේ ජනාධිපති බරාක් ඔබාමාට!

මේක ෆිල්ම් එකක කෑල්ලක් නෙවෙයි. 2013 අවුරුද්දේ ඇත්තටම සිද්ධ වුණ, මුළු ඇමරිකාවම හෙල්ලුම් කාපු සිද්ධියක්. මේක පිටිපස්සේ හිටපු කෙනා කවුද කියලා දැනගත්තම තමයි FBI එකේ නිලධාරීන්ගේ පවා ඇස් උඩ ගියේ. මොකද මේක සැලසුම් කරලා තිබුණේ අල්කයිඩා ත්‍රස්තවාදියෙක්වත්, කුලී මිනීමරුවෙක්වත් නෙවෙයි.

"The Walking Dead" සහ "The Vampire Diaries" වගේ ලෝකෙම ජනප්‍රිය වුණ ටීවී සීරීස් බලලා තියෙනවද? අන්න ඒ සීරීස්වල රඟපාපු සුරූපී නිළියක් තමයි මේ මර උගුල අටවලා තිබුණේ. එයාගේ නම ෂැනන් රිචඩ්සන් (Shannon Richardson).

කතාව පටන් ගන්නේ 2013 මැයි මාසයේ දවසක. ධවල මන්දිරයේ තැපැල් අංශයට අමුතු ලියුමක් ලැබෙනවා. මේක යොමු කරලා තිබුණේ කෙලින්ම ජනාධිපති බරාක් ඔබාමාට. හැබැයි ධවල මන්දිරයේ ආරක්ෂක සිස්ටම් එක කොච්චර හයි ටෙක් ද කියනවා නම්, ජනාධිපතිතුමාට ලියුම යන්න කලින්ම ඒකේ තිබුණ අමුතු දෙයක් මැෂින්වලට අහු වුණා.

ලියුම ඇතුලේ තිබුණේ කුඩු වගයක්. සාමාන්‍ය පවුඩර් වගයක් නෙවෙයි, ඒ තමයි "Ricin" (රයිසින්).

අපේ රටේ වැවෙන එරඬු ඇට ගැන අහලා තියෙනවනේ? අන්න ඒ එරඬු ඇටවලින් තමයි මේ මාරාන්තික රයිසින් වස හදන්නේ. මේක කොච්චර දරුණුද කියනවා නම්, ලුණු කැටයක් තරම් පොඩි ප්‍රමාණයක් ඇති වැඩිහිටි මනුස්සයෙක්ව මරලා දාන්න. බෙහෙතක් නෑ, බේරන්න ක්‍රමයක් නෑ.

මේ ලියුම අහු වුණ ගමන් මුළු වොෂින්ටන් නගරයම රත් වුණා. කවුද මේක එව්වේ? ඇයි ඔබාමාට?

මේ අතරේ නිව්යෝර්ක් නගරාධිපති මයිකල් බ්ලූම්බර්ග්ටත් මේ වගේම ලියුමක් ලැබුණා. ඒකෙත් තිබුණේ අර මාරාන්තික වස ජාතියමයි. මේක සාමාන්‍ය වැඩක් නෙවෙයි, මේක ජාතික ආරක්ෂාවට එල්ල වුණ ලොකුම තර්ජනයක් විදියටයි FBI එක දැක්කේ.

ඔන්න දැන් තමයි කතාවේ නියමම කොටස පටන් ගන්නේ.

FBI එක පිස්සුවෙන් වගේ මේ ගැන හොයද්දී, එකපාරටම පොලිසියට කෝල් එකක් එනවා. කතා කරන්නේ කාන්තාවක්. එයා හරිම බයෙන්, වෙව්ලන කටහඬකින් පොලිසියට කියනවා, "මගේ මහත්තයා ගැන මට ලොකු සැකයක් තියෙනවා. එයා ගෙදර අමුතු වැඩ වගයක් කරනවා. මම දැක්කා එයා එරඬු ඇට වගයක් ගෙනල්ලා කුස්සියේ මොනවදෝ කරනවා..." කියලා.

මේ කතා කළේ වෙන කවුරුත් නෙවෙයි, අර මම මුලින්ම කියපු නිළිය, ෂැනන් රිචඩ්සන්.

එයා පොලිසියට කියනවා එයාගේ මහත්තයා, නේතන් රිචඩ්සන් (Nathan Richardson) තමයි මේ වැඩේ කළේ කියලා. ෂැනන් කියන විදියට එයාගේ මහත්තයා හරිම දරුණු කෙනෙක්. එයා කාටවත් බය නෑ. "මම දැක්කා එයා ඔබාමාට යවන්න ලියුම් ටයිප් කරනවා, මට බයයි එයා මාව මරයි කියලා" කියලත් ෂැනන් පොලිසිය ඉස්සරහ හොඳටම ඇඬුවා.

FBI එකට මේක ලොකු හෝඩුවාවක් වුණා. එයාලා හිතුවේ මේක අන්තවාදී දේශපාලන මතයක් තියෙන මිනිහෙක්ගේ වැඩක් කියලා. එයාලා කෙලින්ම ගියේ නේතන්ව කුදලගෙන එන්න.

ෂැනන් දීපු සාක්ෂි එක්ක බලද්දී නේතන් තමයි වැරදිකාරයා කියලා කාටවත්ම සැකයක් තිබුණේ නෑ. මොකද ලියුම් යවපු තැපැල් කාර්යාලය තිබුණෙත් එයාලගේ ගෙදර ළඟමයි. ඒ විතරක් නෙවෙයි, ෂැනන් පොලිසියට පෙන්නුවා නේතන්ගේ බෑග් එකේ තිබිලා හම්බ වුණා කියන "රයිසින්" හදන්න ගත්ත බඩු මුට්ටු.

හැබැයි, FBI එක කියන්නේ නිකම්ම නිකන් පොලිසියක් නෙවෙයිනේ. එයාලා නේතන්ව ප්‍රශ්න කරද්දී දැක්කා මිනිහා මේ ගැන මෙලෝ දෙයක් දන්නේ නෑ කියලා. මිනිහා හිටියේ අන්ත අසරණ වෙලා. "මම එහෙම දෙයක් කළේ නෑ දෙයියනේ, මගේ ගෑනි මට බොරු චෝදනාවක් දාන්නේ" කියලා මිනිහා කෑ ගැහුවා.

FBI නිලධාරීන්ට පොඩි සැකයක් ආවා. එයාලා මේ දෙන්නගේ ජීවිතේ ගැන තව ටිකක් ගැඹුරට හාරන්න පටන් ගත්තා. එතකොට තමයි වැඩේ එළියට ආවේ. මේ දෙන්නගේ කසාද ජීවිතේ තිබුණේ ලොකු අවුලක. දෙන්නා හිටියේ ඩිවෝස් වෙන්න ඔන්න මෙන්න.

FBI එකේ IT කණ්ඩායම මේ දෙන්නගේ ගෙදර තිබුණ කම්පියුටර් එක චෙක් කළා. එතකොට තමයි ෂැනන්ට වැරදුණ තැන අහු වුණේ.

ඔබාමාට යැව්ව ලියුම ටයිප් කරලා තිබුණේ ඒ කම්පියුටර් එකෙන් තමයි. හැබැයි ඒක ටයිප් කරපු වෙලාවේ නේතන් ගෙදර හිටියේ නෑ. එයා හිටියේ එයාගේ වැඩපොළේ . එතකොට ගෙදර හිටියේ කවුද? ෂැනන් විතරයි!

තවදුරටත් හොයද්දී අහු වුණා, අර වස හදන්න ඕන කරන එරඬු ඇට සහ රසායනික ද්‍රව්‍ය ඔන්ලයින් ඕඩර් කරලා තිබුණේ ෂැනන්ගේ ක්‍රෙඩිට් කාඩ් එකෙන් කියලා.

අන්තිමේදී FBI එක ඉස්සරහ ෂැනන්ට තවදුරටත් රඟපාන්න බැරි වුණා. එයාට ඇත්ත පිළිගන්න සිද්ධ වුණා.

ඇයි එයා මෙහෙම කළේ?

හේතුව ඇහුවම තමයි කාටත් තරු විසි වුණේ. ෂැනන්ට ඕන වෙලා තිබුණේ ඔබාමාව මරන්න නෙවෙයි. එයාට ඕන වුණේ එයාගේ සැමියාව, නේතන්ව හිරේ යවන්න!

එයා හිතුවේ නේතන් ජනාධිපතිවරයෙක්ව මරන්න හැදුවා කියලා අහු වුණොත්, එයා ජීවිත කාලෙටම හිරේ යයි කියලා. එතකොට ෂැනන්ට ලේසියෙන්ම ඩිවෝස් එක ගන්න පුළුවන්, දේපල ටිකත් තනියම අයිති කරගන්න පුළුවන් කියලා තමයි එයා ප්ලෑන් කළේ.

ඒ වෙනුවෙන් එයා තමන්ගේ ගෙදර කුස්සියේම මාරාන්තික වසක් හැදුවා. තමන්ගේම රටේ ජනාධිපතිට ඒක පාර්සල් කළා. තමන්ගේ සැමියාගේ නම දාලා ඒවා පෝස්ට් කළා. අන්තිමට තමන්ම පොලිසියට කතා කරලා පැමිණිලි කළා.

හැබැයි එයාට අමතක වුණා එයා සෙල්ලම් කරන්නේ ලෝකේ දරුණුම රහස් ඔත්තු සේවයක් එක්ක කියලා. එයා හිතුවේ "Walking Dead" එකේ වගේ මේකත් ලේසියෙන් රඟපාලා ගොඩ දාන්න පුළුවන් වෙයි කියලා. ඒත් ඇත්ත ජීවිතේ ස්ක්‍රිප්ට් එක ලියවුණේ එයා හිතපු විදියට නෙවෙයි.

අන්තිමේදී, තමන්ගේ සැමියාව හිරේ යවන්න වල කපපු ෂැනන්ටම ඒ වලට පනින්න සිද්ධ වුණා. ඇමරිකානු අධිකරණය ඇයට අවුරුදු 18ක හිර දඬුවමක් නියම කළා. අහිංසක සැමියා නේතන් නිදහස් වුණා, හැබැයි එයාගේ මුළු ජීවිතේම මේ සිද්ධිය නිසා කලයක් වුණා.

ඔයාලා හිතන විදියට, තමන්ගේ සහකරුගෙන් පළිගන්න මේ වගේ භයානක දුරක් යන මිනිස්සු ඇත්තටම සමාජයේ ඉන්නවද?ඔයාලගේ ජීවිතෙත් මේ වගේ 'විෂ' චරිත මුණගැහිලා තියෙනවද? පහළින් කමෙන්ට් එකක් දාගෙන යන්න.

මේ වගේ දේවල් අනිත් අයටත් දැනගන්න Share කරන්න අමතක කරන්න එපා

ෆේස්බුක් එකෙන් ඔයාට මේ වගේ වටිනා පෝස්ට් මිස් වෙනවාද? එහෙනම් දැන්ම ‘නොකී කතා – Untold Stories’ පිටුව Follow කරලා 'Favourites' දාගන්න. එතකොට අලුත් කතාවක් දාපු ගමන් ඔයාට ඉස්සෙල්ලම පෙනෙයි