අසල්වැසි ආරවුලක් දුරදිග ගිහින් හිරේ ලැගපු සිංගප්පූරු තරුණයා සහ ලන්ච් මීට් ටින් එකේ කතාව 🥩🚔

අසල්වැසියන් එක්ක පුංචි පුංචි රණ්ඩු ඇතිවෙන එක සාමාන්‍ය දෙයක්. සමහර විට ළමයි සෙල්ලම් කරන සද්දේ, එහෙම නැත්නම් වාහන පාක් කරන විදිය වගේ දේවල් වලට අපිත් ඕන තරම් රණ්ඩු වෙලා ඇති. හැබැයි මේ කියන්න යන්නේ ඒ වගේ සාමාන්‍ය ආරවුලක් නෙවෙයි; ද්වේශය සහ නොඉවසීම නිසා අන්තිමට හිරේ විලංගුවේ වැටුණු මනුස්සයෙක් ගැන කතාවක්.

සිද්ධිය වෙන්නේ සිංගප්පූරුවේ වුඩ්ලන්ඩ්ස් (Woodlands) ප්‍රදේශයේ. මෙහේ ෆ්ලැට් එකක ජීවත් වුණු වික්නේස්වරන් (Vikneswaran) කියන 36 හැවිරිදි තරුණයාට එයාගේ අසල්වැසි ගෙදර ගැන ලොකු කේන්තියක් තිබුණා. හේතුව තමයි ඒ ගෙදර පොඩි ළමයි දෙන්නා (අවුරුදු 4 සහ 7) නිතරම කොරිඩෝ එකේ සෙල්ලම් කරන එක.

මේක උච්චතම අවස්ථාවට එන්නේ 2025 දීපවාලි දවසේ. තමන්ගේ උත්සව දවසේ අර ළමයි සෙල්ලම් කරන සද්දේ වික්නේස්වරන්ට දරාගන්න බැරි වුණා. පොලිසියට කතා කළත්, පොලිසිය ඇවිත් දෙපැත්තටම අවවාද කරලා ගියා විතරයි.

නමුත් වික්නේස්වරන්ගේ හිතේ ගින්න නිවුණේ නෑ. එයා ඊළඟට කරපු දේ තමයි මුළු සිංගප්පූරුවම කතා වුණේ.

තමන්ගේ අසල්වැසියන් "මුස්ලිම්" ජාතිකයන් බවත්, ඉස්ලාම් ආගමට අනුව "ඌරු මස්" (Pork) තහනම් බවත් එයා හොඳටම දැනගෙන හිටියා. ඒත් එයා කළේ පෝක් ලන්ච් මීට් (Pork Luncheon Meat) ටින් එකක් කඩලා, මුළු කොරිඩෝ එක පුරාම ඒ මස් තැවරුවා.

එයා පොලිසියට කිව්වේ හරිම පුදුම කතාවක්. "මට ඕන වුණේ ඒ ළමයි ඒ මස් උඩ පාගලා ගෙදර යන්න. එතකොට එයාලට පව් සිද්ධ වෙනවා (Bad Karma). එයාලගේ ආගම කිළිටි වෙනවා."

පහුවදා උදේ මුකුත් නොදන්න අර පොඩි දරුවෝ, එයාලගේ අම්මා සහ ගෙදර වැඩට හිටපු කෙනා මේ මස් උඩ පාගගෙන ගියාට පස්සේ තමයි දැනගත්තේ මේ තියෙන්නේ එයාලගේ ආගමට විරුද්ධ දෙයක් කියලා. ඒ මිනිස්සු කොච්චර කම්පනයට පත් වෙන්න ඇත්ද?

නමුත් සිංගප්පූරුව කියන්නේ ආගමික සහජීවනයට බොහොම තදින් ගරු කරන, නීතිය අකුරටම ක්‍රියාත්මක වෙන රටක්.

මේ පහත් ක්‍රියාව නිසා වික්නේස්වරන්ට එරෙහිව "ආගමික හැඟීම් වලට රිදවීම" (Wounding religious feelings) කියන බරපතල චෝදනාව එල්ල වුණා. උසාවියෙන් තීන්දුව ලැබුණා – සති 14ක සිර දඬුවමක්!

සුළු ආරවුලක් දුරදිග ගිහින්, අනුන්ගේ ආගමකට නිගරු කරන්න ගිහින් අන්තිමට තමන්ගේ නිදහසත් නැති කරගත්ත වික්නේස්වරන්ගේ කතාව අපිට කියලා දෙන්නේ එකම පාඩමයි. තරහව පාලනය කරගන්න බැරි වුණොත්, ඒකෙන් පිච්චෙන්නේ තමන්මයි.

ඔයාලා මොකද හිතන්නේ? අසල්වැසියෝ එක්ක ප්‍රශ්න විසඳගන්න ඕන මෙහෙමද? පහලින් comment කරන්න. 👇

මේ වගේ දේවල් අනිත් අයටත් දැනගන්න Share කරන්න අමතක කරන්න එපා

ෆේස්බුක් එකෙන් ඔයාට මේ වගේ වටිනා පෝස්ට් මිස් වෙනවාද? එහෙනම් දැන්ම ‘නොකී කතා – Untold Stories’ පිටුව Follow කරලා 'Favourites' දාගන්න. එතකොට අලුත් කතාවක් දාපු ගමන් ඔයාට ඉස්සෙල්ලම පෙනෙයි

#UntoldStories #TrueCrime #SingaporeNews #SocialIssues #ReligiousHarmony #LifeLessons #NokeeKatha