බ්‍රිතාන්‍ය හමුදා සොල්දාදුවාගේ ආදරණීය දියණිය, ලෝකයේ දරුණුම ත්‍රස්තවාදිනිය වුණු හැටි - "සුදු වැන්දඹුවගේ" (White Widow) ලේ පිරුණු කතාව

නිකමට හිතන්න... බ්‍රිතාන්‍ය හමුදා සෙබළෙක්ට දාව ඉපදුණු, නිල් ඇස් තියෙන, හරිම අහිංසක සුදු ජාතික කෙල්ලෙක්. පුංචි කාලේ එයාට ඕන වුණේ රටට ආදරේ කරන එයාගේ තාත්තා වගේ වෙන්න. ඒත් අන්තිමට එයා වුණේ මොකක්ද? එයාගේ තාත්තා ආදරේ කරපු රට විතරක් නෙවෙයි, මුළු ලෝකයක්ම භය කරපු, අදටත් අල්ලාගන්න බැරි වුණු අංක එකේ ත්‍රස්තවාදිනියක්!

මේක ෆිල්ම් එකක් නෙවෙයි. මේ තමයි ලෝකෙම හොලවපු "White Widow" හෙවත් සමන්තා ලූත්වයිට්ගේ (Samantha Lewthwaite) ඇත්තම කතාව.

සමන්තා ඉපදෙන්නේ එංගලන්තේ නෙවෙයි, අයර්ලන්තයේ බැන්බ්‍රිජ් (Banbridge) වල. එයාගේ තාත්තා ඇන්ඩෘ ලූත්වයිට් ඒ කාලේ අයර්ලන්තයේ සේවය කරපු බ්‍රිතාන්‍ය හමුදා සෙබළෙක්. පුංචි කාලේ සමන්තා ගැන එයාගේ යාළුවෝ කිව්වේ "හරිම ලැජ්ජාශීලී, අහිංසක කෙල්ලෙක්" කියලා. කාටවත් හිතාගන්නවත් බැරි වුණා මේ අහිංසක කෙල්ල කවදාහරි දවසක ලෝකෙම හොයන අපරාධකාරියක් වෙයි කියලා.

මේ ඔක්කොම කණපිට ගැහෙන්නේ එයාට අවුරුදු 11 විතර කාලෙදි. එයාගේ අම්මයි තාත්තයි වෙන් වෙනවා. මේ දුක තුනී කරගන්න එයා යන්නේ එයාගේ අසල්වැසි මුස්ලිම් පවුල් ළඟට. එතනින් ලැබුණු ආගමික පසුබිම එක්ක එයා වයස 17 දි ඉස්ලාම් ආගම වැළඳගන්නවා. එදා ඉඳන් සමන්තා කියන නම "ෂෙරාෆියා" (Sherafiyah) විදියට වෙනස් වෙනවා.

දෛවයේ සරදම පටන් ගන්නේ එතනින්. යුද්ධයට විරුද්ධව ලන්ඩන් වල තිබුණු සාම පෙළපාලියකදී (Anti-war protest) තමයි ඇයට ඇගේ අනාගත සැමියා, ජර්මේන් ලින්ඩ්සේව මුණගැහෙන්නේ. සාමය ඉල්ලලා කෑගහපු මේ දෙන්නා අන්තිමට එකතු වුණේ ලෝකෙටම බෝම්බ ගහන්න සැලසුම් කරන තැනකදී කිව්වොත් ඔයා විශ්වාස කරනවද?

2005 ජූලි 7 වෙනිදා ලන්ඩන් නුවරට දරුණු බෝම්බ ප්‍රහාර මාලාවක් එල්ල වෙනවා. මිනිස්සු 52ක් මැරෙනවා. මේකේ මහ මොළකරු වෙන්නේ සමන්තාගේ මහත්තයා, ජර්මේන්.

ඒ වෙලාවේ මාධ්‍ය ඉස්සරහට ආපු ගැබිණි සමන්තා කළේ ඔස්කාර් සම්මානයක් දෙන්න වටින රඟපෑමක්. "මගේ මහත්තයා මෙහෙම දෙයක් කරයි කියලා මම හීනෙකින්වත් හිතුවේ නෑ... මම මේ මුකුත් දන්නේ නෑ..." කියලා ඇය අඬ අඬා කිව්වා. ඒත් ඇත්තටම ඒ වෙද්දිත් ඇය හිටියේ බෝම්බ හදන තැන්වල, ත්‍රස්තවාදීන් එක්ක කරට කර වැඩ කරමින්.

ටික කාලයක් යද්දී මේ "අහිංසක වැන්දඹුව" අතුරුදහන් වෙනවා. ආයේ මතුවෙන්නේ දකුණු අප්‍රිකාවෙන්. හැබැයි සමන්තා විදියට නෙවෙයි, "නැටලි ෆේ වෙබ්" (Natalie Faye Webb) කියන නමින්. එහේ බැංකු වල වැඩ කරලා, ණය අරගෙන, සාමාන්‍ය විදියට ජීවත් වෙලා තියෙන්නේ වෙන කවුරුත් නෙවෙයි, ඇයමයි. කාටවත් සැකයක් හිතුණේ නෑ. ඒත් ඒ සල්ලි ඔක්කොම යැව්වේ ත්‍රස්තවාදී වැඩ වලට.

එතනින් පස්සේ ඇය කෙන්යාවට පැනලා යනවා. එහේදී තමයි ඇයගේ නියම ස්වරූපය එළියට එන්නේ.

2011 දී කෙන්යාවේ මොම්බාසා වල ගෙදරක් වටලපු පොලිසියට හම්බුණේ පුදුම හිතෙන දේවල්. එතන තිබුණේ පොඩි ළමයින්ගේ නැපි ගොඩවල් සහ සෙල්ලම් බඩු. ඒත් ඒ අස්සේ තිබුණේ මැෂින් තුවක්කු සහ බෝම්බ හදන රසායනික ද්‍රව්‍ය. හිතන්න, තමන්ගේ දරුවන්ව උකුලේ තියාගෙන, ඒ දරුවන්ව ආවරණයක් (Human Shield) විදියට පාවිච්චි කරමින් මේ ගෑනු කෙනා කරපු අපරාධ ගැන.

එතන තිබිලා හම්බවුණු එයාගේ දිනපොතේ තිබුණු කවියක් දැකලා පොලිසිය පවා ෂොක් වුණා. "Ode to Osama" කියලා ලියපු ඒ කවියේ ඇය ඔසාමා බින් ලාඩන්ව වීරයෙක් කරලා, තව තවත් ලේ හලන්න ඕනේ කියලා ලියලා තිබුණා. එදා තමයි ලෝකෙම දැනගත්තේ අර ලන්ඩන් වල අඬපු අහිංසක වැන්දඹුව මැරිලා ගොඩක් කල් කියලා.

2013 දී කෙන්යාවේ වෙස්ට්ගේට් (Westgate) ෂොපිං මෝල් එකට ගහපු දරුණු ප්‍රහාරය පිටිපස්සෙත් හිටියේ ඇයමයි කියලා කියනවා. දිවි ගලවා ගත්ත අය දැකලා තියෙනවා සුදු කාන්තාවක් එතන ඉඳන් ත්‍රස්තවාදීන්ට අණ දෙනවා.

පුදුම වැඩේ කියන්නේ, මේ හැම දෙයක්ම වෙලත් ඇයව අල්ලගන්න කාටවත් බැරි වුණා. ඇයව හඳුන්වන්නේ "අවතාරයක්" විදියට.

එක පාරක් ආරංචි වුණා යුක්රේනයේදී ස්නයිපර් වෙඩි පහරකින් ඇය මැරුණා කියලා. තව පාරක් කිව්වා සෝමාලියාවේ ගුවන් ප්‍රහාරයකින් මළා කියලා.ඒත් ඒ හැම පාරම ඇය ආයේ මතු වුණා. හරියට මරණය පවා මගහරින ඡායාවක් වගේ.

තමන්ගේ දරුවන් 4 දෙනා එක්ක තවමත් ඇය කොහේ හරි හැංගිලා ඉන්නවා. සමහරවිට යේමනයේ, සමහරවිට සෝමාලියාවේ. එයාගේ තාත්තා පවා ප්‍රසිද්ධියේම කියලා තියෙනවා "මට දැන් එහෙම දුවෙක් නෑ, එයා කරපු දේවල් වලට මම සමාව දෙන්නේ නෑ" කියලා.

ලෝකේ දියුණුම ඔත්තු සේවා වන CIA, MI6, මොසාඩ් පවා තාම මේ ගැන හොයනවා. චෙච්නියාවේ හිටපු "කළු වැන්දඹුවන්" (Black Widows) සිහිගන්වන විදියට මාධ්‍ය ඇයට දැම්මේ "සුදු වැන්දඹුව" කියන නම.

දැන් ප්‍රශ්නේ මේකයි...

තාක්ෂණය මෙච්චර දියුණු ලෝකෙක, දරුවෝ හතර දෙනෙක් එක්ක තනි ගෑනු කෙනෙක්ට අවුරුදු 15කට වැඩිය කාටවත් අහු නොවී හැංගිලා ඉන්න පුළුවන් කොහොමද? ඇත්තටම ඇය තාමත් ජීවත් වෙනවද? නැත්නම් මේක පිටිපස්සේ අපි නොදන්න ලොකු බලවතුන්ගේ අතක් තියෙනවද?

ඔයා මොකද හිතන්නේ? පහලින් කමෙන්ට් කරන් යමු.

මේ වගේ දේවල් අනිත් අයටත් දැනගන්න Share කරන්න අමතක කරන්න එපා

ෆේස්බුක් එකෙන් ඔයාට මේ වගේ වටිනා පෝස්ට් මිස් වෙනවාද? එහෙනම් දැන්ම ‘නොකී කතා – Untold Stories’ පිටුව Follow කරලා 'Favourites' දාගන්න. එතකොට අලුත් කතාවක් දාපු ගමන් ඔයාට ඉස්සෙල්ලම පෙනෙයි.

#UntoldStories #TrueCrimeSinhala #WhiteWidow #Mystery #Thriller #SriLanka #SinhalaBlog #SamanthaLewthwaite #RealStory #CrimeWatch