"ඔහු මැරුණාම මොළය හොරකම් කරලා වීදුරු බෝතලයක දැම්මා... තමන්ගේ පුතාට සැලකුවේ නෑ - ලෝකේ බුද්ධිමත්ම මිනිසා, ඇල්බට් අයින්ස්ටයින්ගේ කවුරුත් නොදන්න අඳුරුම රහස්" 🤯🤫

අපි කවුරුත් දන්නවා ඇල්බට් අයින්ස්ටයින් කියන්නේ කවුද කියලා. අවුල් වෙච්ච කොණ්ඩය, සුදු රැවුල, දිව එළියට දාගෙන ඉන්න ඒ ප්‍රසිද්ධ පින්තූරය දැක්කම අපිට නිකම්ම හිතෙන්නේ "මෙයා හරිම විනෝදකාමී, අහිංසක සීයා කෙනෙක්" කියලයි. E=mc² හොයාගත්ත, නොබෙල් ත්‍යාගය දිනපු, ලෝකේ බුද්ධිමත්ම මනුස්සයා විදියට අපි ඔහුව කරේ තියාගෙන හිටියට, ඔහුගේ පෞද්ගලික ජීවිතේ තිබුණු සමහර දේවල් ගැන ඇහුවම ඔබට හිතෙයි "ඇත්තටම මෙහෙම මිනිහෙක්ද මේ?" කියලා. අද අපි කතා කරන්නේ විද්‍යාවෙන් ලෝකය දිනපු, හැබැයි මනුස්සකමෙන් පැරදුණු අයින්ස්ටයින්ගේ අඳුරු පැතිකඩ ගැනයි.

1955 දී අයින්ස්ටයින් මිය යන්න කලින් ඔහු අන්තිම කැමති පත්‍රයෙන් එක ඉල්ලීමක් කරලා තිබුණා. "මම මැරුණම මගේ ශරීරය පුච්චලා දාන්න. මට සොහොනක් හදන්න එපා. මොකද අනාගතේ මිනිස්සු මට වන්දනා කරනවට මම කැමති නෑ." ඔහුට ඕන වුණේ සාමාන්‍ය මිනිහෙක් වගේ යන්න. නමුත් සිද්ධ වුණේ ඊට හාත්පසින්ම වෙනස් දෙයක්. ඔහුගේ මරණයෙන් පැය කිහිපයකට පස්සේ පශ්චාත් මරණ පරීක්ෂණය කරන්න ආපු වෛද්‍ය තෝමස් හාවි (Thomas Harvey) කළේ අදහාගන්න බැරි අපරාධයක්. ඔහු කාටත් හොරා අයින්ස්ටයින්ගේ හිස් කබල කපලා, ඒ අසහාය මොළය එළියට අරගෙන හොරකම් කළා! ඒක විද්‍යාව වෙනුවෙන් කළා කිව්වට, ඔහු කළේ ඒ මොළය කෑලි 240කට කපලා, වීදුරු බෝතල්වල දාලා ෆෝමලින් වල ඔබලා, තමන්ගේ ගෙදර බේස්මන්ට් එකේ සයිඩර් පෙට්ටියක් අස්සේ හංගාගත්ත එකයි. අවුරුදු 40ක් යනකම් ලෝකයා දැනගෙන හිටියේ නෑ ලෝකේ බුද්ධිමත්ම මිනිහාගේ මොළය පිස්සු දොස්තර කෙනෙක්ගේ ගෙදර කුණු ගොඩක් අස්සේ තියෙනවා කියලා. ඒක තමයි බුද්ධිමතාට ලැබුණු අවසන් ගෞරවය.

නමුත් අයින්ස්ටයින්ගේ ජීවිතේ ඊටත් වඩා අඳුරු තැන් තිබුණා. විශේෂයෙන්ම ඔහුගේ පවුල් ජීවිතය. අයින්ස්ටයින්ගේ පළමු බිරිඳ වුණු මිලේවා මැරික් (Mileva Marić) කියන්නේ ඔහු තරම්ම, සමහර විට ඔහුටත් වඩා දක්ෂ ගණිතඥවරියක්. සමහරු කියනවා E=mc² සමීකරණය හදන්න ඇයත් ලොකු සහයෝගයක් දුන්නා කියලා. නමුත් අයින්ස්ටයින් ප්‍රසිද්ධ වුණාට පස්සේ ඔහු ඇයට සැලකුවේ බිරිඳකට වගේ නෙවෙයි. ඔහු ඇයට ලිඛිතව කොන්දේසි මාලාවක් (List of Rules) දුන්නා. ඒකේ තිබුණේ මෙහෙමයි: "මගේ ඇඳුම් හෝදලා කාමරේ තියන්න ඕන, දවසට වේල් 3ම මගේ කාමරේට කෑම ගේන්න ඕන, මම එපා කිව්වොත් කතා නොකර කට වහගන්න ඕන, මාත් එක්ක කිසිම ආදර සම්බන්ධයක් බලාපොරොත්තු වෙන්න එපා." මේ වගේ නීති දාලා ඔහු ඇයව මානසිකව වට්ටලා, අන්තිමට ඇයව දික්කසාද කළා. තමන්ගේ දියුණුවට උදව් කරපු ගැහැණියට ඔහු සැලකුවේ එහෙමයි.

ඔහුගේ පුතා වන 'එඩ්වඩ් අයින්ස්ටයින්' (Eduard Einstein) මානසික රෝගයකින් (Schizophrenia) පීඩා විඳිද්දී, අයින්ස්ටයින් ඔහුව දාලා ඇමරිකාවට ගියා. ඇමරිකාවට පැනලා ගිය අයින්ස්ටයින්, මානසික රෝහලේ හිටපු තමන්ගේ දරුවාව බලන්න ආපහු කවදාවත් ගියේ නෑ. 'එයා දිහා බලන් ඉන්න මට වේදනාකාරියි' කියලා අයින්ස්ටයින් තමන්ගේ පුතාව සදහටම අතහැරලා දැම්ම.අන්තිමට එඩ්වඩ් මියගියේ මානසික රෝහලක තනි වෙලා. තමන්ගේම ලේ වලට ඔහු සැලකුවේ එහෙමයි.

ඒ වගේම අයින්ස්ටයින්ට සහ මිලේවාට විවාහ වෙන්න කලින් රහසින් දරුවෙක් ලැබුණා. ඇගේ නම "ලීසර්ල්" (Lieserl). නමුත් අයින්ස්ටයින්ට ඕන වුණේ නෑ තමන්ට අවජාතක දරුවෙක් ඉන්නවා කියලා ලෝකේ දැනගන්නවට. ඔහු හිතුවා ඒක ඔහුගේ අනාගතයට බාධාවක් වෙයි කියලා. ඒ නිසා ඒ දරුවා ගැන ලෝකයෙන් හැංගුවා. අදටත් කාටවත් හරියටම දන්නේ නෑ ඒ අහිංසක දරුවට මොකද වුණේ කියලා. සමහරු කියනවා ඇයව අනාථ නිවාසයකට දුන්නා කියලා. තවත් අය කියනවා ඇය පොඩි කාලෙම ලෙඩ වෙලා මැරුණා කියලා. විශ්වයේ රහස් හොයපු අයින්ස්ටයින් කවදාවත් තමන්ගේ ඒ පළමු දරුවාව ඇස් දෙකෙන් දැකලවත් නෑ.

තවත් පුදුම හිතෙන දෙයක් තමයි, ඇමරිකාවේ FBI ආයතනය පවා අයින්ස්ටයින්ව විශ්වාස කළේ නෑ. ඔවුන් හිතුවේ අයින්ස්ටයින් කියන්නේ රුසියානු ඔත්තුකරුවෙක්, ඔහු අතින් ලෝකය විනාශ වෙන ආයුධයක් හැදෙයි කියලා. FBI එක ඔහු ගැන පිටු 1,400ක රහස් ලිපිගොනුවක් (Secret File) පවත්වාගෙන ගියා. ඔහුගේ දුරකථන ටැප් කළා, ලියුම් කැඩුවා, කුණු බක්කි පවා අවුස්සලා බැලුවා. අයින්ස්ටයින් මැරෙනකම්ම හිටියේ මේ සැකය මැදයි.

අයින්ස්ටයින් වරක් කිව්වා "මම සොබාදහමේ රහස් හෙව්වට, මට මගේ පවුලේ ප්‍රශ්න විසඳගන්න බැරි වුණා" කියලා. ඒ කතාව ඇත්ත. විද්‍යාවෙන් ලෝකය දිනුවත්, මනුස්සකමින් සහ පවුල් ජීවිතයෙන් ඔහු අන්ත අසරණ වුණා. බුද්ධිය සහ හදවත කියන්නේ දෙකක්. ඔහුගේ මොළය වීදුරු බෝතලයක තිබුණට, ඔහුගේ හදවතේ තිබුණු රහස් අදටත් අභිරහසක්.

👇 ඔබ මේ ගැන දැනගෙන හිටියාද? කමෙන්ට් එකක් දාන්න.

නොකී කතා – Untold Stories | තවත් දැනගැනීමට follow කරන්න

ෆේස්බුක් එකෙන් ඔයාට මේ වගේ වටිනා පෝස්ට් මිස් වෙනවාද? එහෙනම් දැන්ම 'නොකී කතා' Page එක Follow කරලා 'Favourites' දාගන්න. එතකොට අලුත් කතාවක් දාපු ගමන් ඔයාට ඉස්සෙල්ලම පෙනෙයි